Songs 24:2 - Hawaii Pidgin Bible

² He wen make da world stay solid Ova da ocean, He wen set um up Ova da currents Dat run undaneat.

Songs 24:2 ပူးပေါင်းရင်းမြစ်များ

Start 8:22

“From now till da world pau, Goin get time fo plant seed an fo harves food. Cold time an hot time, Summa time an winta time, Day time an nite time, Goin stay lidat foeva.”

Job 38:4

“Wea you wen stay wen I put da foundation fo da world? Tell me, if you undastan all dat!

Songs 136:6

He wen spread out da groun Mo high den da watta, Cuz he stay tight wit his peopo foeva!

Songs 33:6

Da One In Charge, He jus tell da sky fo come, An da sky come. He ony need fo talk Fo make all da stars up dea come.

Songs 89:12

From da north side to da south side, You wen make eryting dea. Mount Tabor an Mount Hermon Stay yell, Cuz dey stay good inside Bout who you.

Songs 93:1

Da One In Charge, he da king! He stay awesome an strong Jalike he wear king kine robes! He wen put da world in da right place, An no mo notting can shake up Da world from dea!

Songs 95:4

From unda da ocean To da top a da mountain, Da One In Charge stay in charge.

Songs 96:10

Tell all da diffren nations, “Da One In Charge, he da King! Fo shua, da world stay solid, No can throw um off. Wen Da One In Charge judge all da diffren peopos, He judge um da right way!”

Jeremiah 5:22

Da One In Charge tell, “I da One you guys betta watch out! You betta come sked a me! Wen you stay in front me, You guys goin shake cuz you sked! I wen put da sand by da sea edge. Da sand make da ocean stay dea foeva. Da waves come in an go out, An dey no can do notting. Da wave make big noise, But dey no goin go ova da sand.