Songs 24:1 - Hawaii Pidgin Bible

¹ Da One In Charge, he own Da whole world an eryting dea. He own da land An all da peopo dat live dea.

Songs 24:1 ပူးပေါင်းရင်းမြစ်များ

1 Records 29:11

You da One stay real importan. You strong. You stay awesome. You da winna foeva! You stay unreals, Cuz you own eryting inside da sky an on top da earth. Da One In Charge, you get da right fo stay in charge a eryting! You get da right fo be da main One, dat stay ova eryting!

1 Records 29:16

Eh, you oua God, dass Da One In Charge a us! All dis rich kine stuff, we wen make um ready fo build you one temple! Dass how peopo goin know dat you stay good an spesho. An all dis come from you, an you da owna.

2 Records 25:9

Amaziah aks da guy dat stay tight wit God, “But I wen pay da Israel guys 7,500 poun silva awready! Wat bout dat?” Da guy dat stay tight wit God tell, “Da One In Charge, he can give you plenny mo den dat!”

Job 34:13

Who wen pick God fo stay in charge a da earth, aah?! Who make him da main One ova da whole world?! Nobody!

Job 41:11

Who can tell dat me, Da One In Charge, owe dem someting an I gotta pay? Cuz eryting unda da sky, az mines!

Job 41:3

You tink da Leviatan goin beg you ova an ova fo give um chance? You tink he goin talk to you real nice?

Songs 50:10

Cuz you know wat? All da wild animals Dat live unda da trees, Dey mines awready, Same ting fo all da uku pile A cows on top da hills, dey mines too.

Songs 50:12

“Even if I was hungry, no way I tell you, Cuz da world an eryting dat get Inside da world, az mines awready.

Songs 89:11

Da sky, yoas. An da earth yoas too. Eryting dat get inside da world— Was you wen put um dea.

Songs 89:12

From da north side to da south side, You wen make eryting dea. Mount Tabor an Mount Hermon Stay yell, Cuz dey stay good inside Bout who you.

Songs 98:7

Same ting, I like fo da ocean An eryting dat get inside um Make plenny noise fo Da One In Charge, Jalike wen get one storm! I like da world An all da peopo dat stay live dea Make big noise fo him too!

Outa Egypt 19:5

Az why, if you guys lissen wat I tell you guys fo do, an stick wit da deal I wen make fo you guys, den fo shua you goin be my peopo, an I goin figga, ‘Dose Israel peopo, dey da bestes ting I get, from all da peopos all ova da world!’ An you guys know dis awready: da whole world, dass mines.

Outa Egypt 9:29

Moses tell da Pharaoh guy, “Wen I go outside da town, I goin put up my hands an pray to Da One In Charge. Den no goin get thunda, an no goin get mo plenny hail. Dat goin happen fo you know dat Da One In Charge, he own da whole world.

Daniel 4:25

Da peopo goin make you go way from dem an go stay wit da wild animals. You goin eat grass jalike da cows an come wet wit da dew from da sky. Afta seven year, you goin know dat da God Dass Mo Importan Den All Da Odda Gods, get da powa fo tell all da govmens in da world wat dey gotta do. God can give whoeva he like come da king fo dem.

Micah 4:13

Da One In Charge tell: “You guys my Jerusalem peopo, Get up an go drag da heavy board wit plenny spike Fo clean da junks from my peopo, Jalike dey wheat fo clean! Cuz I goin make you guys strong Jalike one bull dat get iron horns an bronze feets. You goin bus up plenny peopos! You goin give all dea rich kine stuffs to Da One In Charge, Jalike da stuffs az one sacrifice fo him. Da stuff dey get wen dey bus up odda peopos, Goin be fo Da One In Charge, Da Boss fo all da peopos inside da world!”

Nahum 1:5

Da mountains shake cuz a him, Jalike da hills melt. Da groun shake in front him. Erybody dat live on top da earth, dey shake too.

1 Corint 10:26

Da Bible tell, “Da One In Charge, he own da world, an eryting inside da world too,” you know.

Rules Secon Time 10:14

“You know, oua God, dass Da One In Charge a us, own eryting inside da sky, even da mos high place inside da sky! He own da earth an eryting inside um!