Songs 23:1 - Hawaii Pidgin Bible

¹ Da One In Charge, he take kea me, Jalike da sheep guy Take kea his sheeps. Az why I get eryting I need.

Songs 23:1 ပူးပေါင်းရင်းမြစ်များ

Songs 34:11

Eh, my kids! Go come ova hea An lissen me! I goin teach you guys wat mean, Fo get respeck fo Da One In Charge.

Songs 78:52

Fo God peopo, he wen tell dem Fo start fo move jalike sheeps, He wen bring um thru da boonies Jalike he one sheep guy.

Songs 79:13

Us guys, yoa peopo. You take kea us guys Jalike we yoa sheeps. We goin tell good tings Bout you all da time, To oua kids, an oua grankids foeva. We goin tell da story Bout how you da greates!

Songs 84:11

Cuz oua God, Da One In Charge, He show us guys wea fo go Jalike wen da sun shine. An he proteck us guys Jalike one shield. He like do plenny fo us guys, An he make us come mo awesome. Da One In Charge, He no goin hold back notting good From da peopo dat stay do wass right.

Isaiah 40:11

He take kea his peopo, Jalike one sheep guy take kea his sheeps. He carry da bebe sheep in his arm, An carry dem on top his ches, An show da way to da muddah sheeps Fo dem res.

Jeremiah 31:10

“Lissen wat me, Da One In Charge, tell, you peopos! Make shua erybody inside da far away islans know dis! Tell um: ‘Da One dat wen scatta da Israel peopo, He da One goin bring dem back togedda. He goin take kea dem Jalike one sheep guy take kea his sheeps.’

Ezekiel 34:14

I goin take kea dem inside da good grass land. Da high Israel mountains, az wea dey goin eat. Az da good land dat get plenny grass wea dey goin lay down inside, an dass da place wea dey goin eat plenny, on top da Israel mountains.

Micah 5:2

But you peopo from da Efratah ohana Betlehem town, No matta peopo tink da tousans a odda Judah guys Mo importan den yoa ohana! But az Betlehem wea da guy goin come from, Dat goin lead da Israel peopo fo me! He stay from befo time, long time awready.

Micah 5:4

Da leada goin stan up an take kea his peopo, Jalike one sheep guy take kea his sheeps. He goin stay strong cuz he stay tight wit Da One In Charge, An cuz he know wat kine god, his God, Da One In Charge. Den da peopo goin live dea, An nobody goin bodda dem. Cuz peopo all ova da world Goin know dat da Israel leada guy real importan.

Matthew 6:33

Main ting, make God Da One In Charge a you, cuz he da King. Do da right ting jalike he do, an you guys goin get all da stuffs you need.

John 10:11

“Me, jalike one good sheep guy, cuz da good kine sheep guy ready fo mahke fo his sheeps.

John 10:14

“I jalike one good sheep guy. I know my sheeps, an dey know me,

Rome 8:32

God neva even hold back his Boy. He wen make um come one sacrifice fo help all us guys. God wen give his Boy fo mahke fo us. Dat mean God no hold back notting. He give us ery good ting to da max!

Philippi 4:19

An you know wat? My God goin give you guys eryting you need cuz you stay tight wit his Spesho Guy Jesus Christ. He get plenny rich stuffs an goin be awesome how he give you guys plenny.

Hebrews 13:20

God, he da One dat make um so notting bodda us guys. An he da One dat wen bring back from mahke Da One In Charge a us guys, Jesus. Jesus wen bleed an mahke fo us guys, an dass how God wen make one New Deal fo us dat stay foeva. Jesus, he jalike da main sheep guy dat take kea his sheeps.

1 Peter 2:25

You guys was jalike da sheeps dat stay lost, but now you guys come back to God. He make shua he take kea a you guys good kine, jalike da sheep guy take kea his sheeps. An he da main leada guy fo make shua you guys no come pilau inside.

1 Peter 5:4

Wen Jesus, da Main Sheep Guy, come back, den God goin give you guys one awesome haku lei cuz you do one good job. An yoa haku lei no goin come poho, foeva.

Jesus Show 7:17

Cuz da Bebe Sheep Guy Dat sit in da middo a da throne, He goin take kea dem Jalike one sheep farma dat take kea his sheeps. He goin bring dem by da puka Fo da watta dat make peopo get life fo real kine. An God goin wipe away all dea tears from dea eyes.”