Songs 22:8 - Hawaii Pidgin Bible

⁸ “So! Dis da guy dat let Da One In Charge handle his problem! Good, Da One In Charge get him outa all dat! If Da One In Charge get real plenny love an aloha fo dis guy, Good, Da One In Charge come get him outa trouble!” Dass how dey talk.

Songs 22:8 ပူးပေါင်းရင်းမြစ်များ

Job 16:4

I can talk jalike you guys too, you know. If you guys wen suffa jalike me, I can put togedda words agains you guys too, An shake my head jalike someting wrong wit you guys.

Songs 109:25

Erybody make fun a me. Wen dey see me, dey shake dea head.

Songs 18:19

He take me to one open place wea no mo presha. Da One In Charge stay good inside wen he tink bout me, Az why he get me outa trouble.

Songs 37:5

Let Da One In Charge handle Eryting you goin do. Trus him, an he goin do um.

Songs 42:10

Da peopo dat stay agains me, Dey like make me come shame, Jalike my bones real sore, Enuff fo kill me. All day dey talk: “Eh! Yoa God, how come He no stay by you?!”

Songs 55:22

All da stuff dat bodda you guys, Turn um ova to Da One In Charge. He goin make shua you can handle. Da peopo dat stay do wass right, He no goin let dem Come all weak, eva, Fo dem no stan up.

Songs 71:11

Dey tell, “God dump him awready. No mo nobody can get him outa dis! So go afta him an catch him!”

Songs 91:14

Da One In Charge, dis wat he tell: “Eh, dis guy get love an aloha fo me An stay tight wit me, An he my guy cuz he know Who me fo real kine! Dass why I goin get him outa trouble An no let notting hurt him.

Smart Guys 16:3

Eryting you do, turn um ova to Da One In Charge fo help you. Den all da tings you make plan fo do Goin come out okay.

Isaiah 42:1

Da One In Charge tell, “Dis da guy dat work fo me. I kokua him. He da guy I pick awready. I feel good inside cuz a him. My Spirit stay inside him. He goin do wass right Fo all da peopo inside da diffren countries.

Matthew 12:18

“Eh, try lissen! Dis da guy dat work fo me. He da guy I wen pick. I get love an aloha fo him, I stay real good inside cuz a him. I goin give him my Spirit, An he goin teach da peopos all ova da world wat stay right.

Matthew 17:5

Peter still stay talking, an you know wat? Get one bright cloud cova dem. Den, one voice from inside da cloud tell, “Dis my boy! I get plenny love an aloha fo him. I feel real good inside cuz a him. Eh, lissen him!”

Matthew 3:17

An wow! Had one voice from da sky tell, “Dis my boy. I get love an aloha fo him fo real kine, an I stay good inside cuz a him!”

Luke 23:35

Da peopo stan dea an watch um. Da leada guys fo da Jews make fun a him. Dey tell, “Eh, he wen take da odda guys outa da bad kine stuff dey stay in. If he da Spesho Guy God Wen Sen fo real kine, how come he no can get outa dis now?!”