Songs 22:7 - Hawaii Pidgin Bible

⁷ Erybody dat see me, dey laugh at me. Dey make any kine to me, an stick finga at me. Dey tell:

Songs 22:7 ပူးပေါင်းရင်းမြစ်များ

Job 12:4

“I wen come one guy dat all my frenz laugh at, No matta befo time I wen call out to God an he ansa me. Now dey laugh at me, No matta I do wass right an no mo da blame fo dat!

Job 16:10

Peopo make fun a me. Dey slap my head. Dey gang up on me.

Job 16:4

I can talk jalike you guys too, you know. If you guys wen suffa jalike me, I can put togedda words agains you guys too, An shake my head jalike someting wrong wit you guys.

Songs 109:25

Erybody make fun a me. Wen dey see me, dey shake dea head.

Songs 31:18

Get peopo dat ack high makamaka kine, An tink dey mo betta den erybody. Dey no shame fo talk bad Bout da peopo dat do wass right. But dey erytime bulai. Mo betta dey shut up, Jalike somebody tie up dea mout.

Songs 44:14

You wen set us up Fo da odda peopos talk bout us, An da odda nations Shake dea heads at us.

Isaiah 49:7

Dis anodda spesho message from Da One In Charge. (He da One dat pay da price Fo get da Israel peopo outa trouble. He da Good An Spesho One fo da Israel peopo.) Dis message, fo da one Dat da peopo tink he no good inside, Da one dat all ova da country, Da peopo hate um, Da one dey figga ony one slave Dat work fo da leada guys. Dis wat Da One In Charge tell dat guy dat work fo him: “Wen da king guys see you, Dey goin stan up fo show you respeck! Wen da prince guys see you, Dey goin go down in front you Fo show you respeck! An all dat goin happen cuz a me, Da One In Charge. I da One you can trus. I da Spesho One fo da Israel peopo. An I wen pick you!”

Isaiah 53:3

Peopo make to him jalike he notting. Dey no let him do notting wit dem. He one guy dat stay sad inside, An he know how feel fo suffa plenny. Peopo turn aroun an look da odda way Cuz dey no like see him. Dey make to him jalike he nobody, An nobody kea bout him.

Isaiah 57:4

Who you talk about wen you make fun a dem? Who you make ugly face at An stick out yoa tongue? Yoa faddah-muddah guys stay go agains erybody! Dey ony bulai peopo.

Matthew 27:29

Dey make one crown from thorns, an put um on top his head. An dey put one stick in his right hand jalike him da king. An dey go down in front him an make fun a him. Dey tell, “Ho! Check um out! Da King fo da Jews!”

Matthew 9:24

He tell um, “Erybody go way! Da girl neva mahke, she ony stay sleeping.” But da peopo make fun a him.

Mark 15:20

Wen dey pau make fun a him, dey take off da red robe an put his clotheses back on top him. Den dey take him outside fo kill him on top one cross.

Mark 15:29

Had some peopo dea dat shake dea finga at him an tell, “Oh, shame you! You wen tell you goin broke down da Temple an goin build um up one mo time in three days!

Luke 16:14

But da Pharisee guys, dey love money. Wen dey hear all da stuff Jesus wen tell, dey make fun a him.

Luke 23:11

Den Herod an his army guys ack jalike Jesus no good, an make fun a him. Dey put one fancy robe on top him, an sen him back to Pilate.