Songs 22:23 - Hawaii Pidgin Bible

²³ I goin tell um: “All you peopo dat get choke respeck fo Da One In Charge, Tell good tings bout him! All you peopo dat come from oua ancesta guy Jacob, Show Da One In Charge dat you know he importan! All you Israel peopo from da Jacob ohana, Stay sked a him!

Songs 22:23 ပူးပေါင်းရင်းမြစ်များ

Jesus Show 15:4

You Da One In Charge, An erybody goin get respeck fo you An tell how awesome you stay. Cuz you mo spesho an good den all da peopo. All da diffren peopos from all ova da world goin come, An show you love an respeck. Cuz dey wen see all da good an right tings You wen do!”

Luke 1:50

He give da peopo chance Dat show respeck fo him, From da granfaddas to da grankids.

Songs 115:11

Eh! All you peopo dat feel Jalike you sked Wen you in front Da One In Charge! Trus Da One In Charge! He da One dat help you guys. He da One dat make shua You guys no get hurt.

Songs 50:23

Da peopo dat stay tell me ‘Mahalo!’ Fo wat I do, Dey da ones make Da real kine sacrifice Fo show how awesome I stay. An da peopo dat stay do eryting my way, Me God goin make shua dey see How I get um outa trouble.” Dass wat God tell.

1 Corint 10:31

Eryting you guys do, eat, drink, wateva—do um all fo show how awesome God stay.

Luke 2:20

Da sheep guys go back, an dey tell erybody how God stay plenny good an awesome. Cuz all da stuff dey hear an see was jalike da angel guy wen tell um.

Isaiah 25:3

Dass why goin get strong peopos Dat show respeck fo you, Da One In Charge. Peopo from da big towns dat stay real mean, Dey goin stay sked a you.

Songs 145:19

Fo da peopo dat feel jalike dey sked Wen dey in front Da One In Charge, He do da ting dass Da bestes ting fo dem. Wen dey yell fo him help dem, he lissen, An he get um outa trouble.

Songs 115:13

Da One In Charge do good tings Fo da peopo dat feel sked Wen dey come in front him, No matta dey no stay importan, O dey stay importan, same ting.

Songs 106:5

Cuz wen good tings happen To da peopo you pick, Same ting goin happen to me. I goin feel good inside Wen yoa peopo feel good inside. Wen da peopo dat stay yoas Tell good tings bout you, I goin tell good tings bout you, Jalike dem too.

Songs 86:12

You my Boss! You da God fo me! I goin tell good tings bout you. I goin go all out, all da time, Fo show you choke respeck Cuz I know wat kine god you,

Songs 33:8

Erybody dat live inside da world, Show respeck fo Da One In Charge! All you peopo dat stay live dea, Stay sked a him!

Songs 22:30

Da peopo dat goin live bumbye, Dey goin work fo Da One In Charge too. Da ones not born yet, dey goin hear bout da Boss, An da peopo dat goin come from dem, same ting.

Songs 26:12

Now, jalike I get one solid place fo stan on top Dat stay flat, az how I no goin fall down. An ova hea, wea all God peopo come togedda, I goin tell, “Da One In Charge, he do real good tings fo me!”

Songs 35:18

Wen you do someting Weneva choke peopo come togedda, I goin tell dat I yoa guy. Wen get mo plenny peopo Den can count, I goin tell good tings bout you.

Songs 109:30

I goin tell plenny good tings Bout Da One In Charge. Wen plenny peopo come togedda, I goin tell dat he da greates.

Songs 111:1

Eh you guys! Tell good tings Bout Da One In Charge! Weneva da peopo dat stay do wass right Come togedda, I goin go all out fo tell How awesome Da One In Charge stay.