Songs 22:2 - Hawaii Pidgin Bible

² Eh my God! Ery day I stay yell to you fo help me, But you no do notting fo help! Ery nite same ting, Dass why I no shut up!

Songs 22:2 ပူးပေါင်းရင်းမြစ်များ

Songs 42:3

Ery time, peopo stay aks me, “Eh! Yoa God, How come he no stay by you?!” An da ony ting I do, I cry, Day time an nite time!

Songs 80:4

Da One In Charge, You da God Ova All Da Armies! How long you goin stay huhu An no lissen wen yoa peopo Pray to you?!

Songs 88:1

Da One In Charge, you da God Dat get me outa trouble. Day an nite time I yell fo help In front you,

Sad Song 3:44

Jalike you cova up wit one cloud, Fo no hear wen we pray to you.

Sad Song 3:8

Even wen I call an yell fo somebody fo come help me, Da One In Charge make deaf ear wen I pray.

Matthew 26:44

So he go way from dem one mo time, an pray to God one mo time, an he tell da same ting jalike he pray befoa.

Luke 18:7

You guys tink God no goin make tings right fo da ones he wen pick, wen dey stay beg him day time an nite time? You tink he goin take long time fo help dem?

Luke 6:12

Dat time Jesus go up one hill fo pray. He stay dea an pray all nite.

1 Tessalonika 3:10

Day time an nite time we stay pray real hard fo us see you guys one mo time, an we like give you guys da kine stuff you need still yet fo trus him to da max.

2 Timoty 1:3

Wen I pray, I tell God “Mahalo plenny!” erytime I tink bout you, day time an nite time. I stay work fo God, same ting jalike my ancesta guys wen do. An fo shua I know I stay do good tings.