Songs 22:14 - Hawaii Pidgin Bible

¹⁴ My life, jalike all pau awready, Jalike you dump watta on top da groun. All da bones inside my body, all hamajang. I feel jalike I stay melting inside, Jalike sof wax.

Songs 22:14 ပူးပေါင်းရင်းမြစ်များ

Job 16:10

Peopo make fun a me. Dey slap my head. Dey gang up on me.

Job 23:16

Az God, da One wen make me lose fight. Da God Dat Get All Da Powa make me come real sked a him.

Job 30:16

“An now all poho my life stay now! Make me suffa plenny ery day.

Songs 22:17

Can even count all my bones. Dem guys dat stay agains me, Dey give me stink eye, an dey laugh at me.

Songs 31:10

My life, all poho, Cuz I stay real sore inside. I ony goin live short time, Cuz all da time I stay moaning. Befo I strong, but now I ony tired, Cuz a da bad tings I wen do. Even my bones come weak.

Songs 35:21

Dey yell at me, but dey ony bulai. Dey tell, “Hala! Us guys see Wat you wen do!” Wen I neva do notting bad.

Songs 68:2

I like fo God make da peopo Dat do bad tings run away, Jalike da wind make da smoke go way, Jalike da wax melt in front one fire! I like fo da peopo dat do bad tings Come all wipe out Wen dey stan in front God!

Sad Song 3:46

“All da peopo dat stay agains us guys Talk stink agains us.

Daniel 5:6

His eyes come real big, an he come real sked. His knee stay knock togedda, an he come real weak an he stay shake an he no can tink good.

Nahum 2:10

Da army guys goin rip off all da Nineveh peopo stuffs fo shua! Da Nineveh peopo lose fight an come bum out. Dey stay sked an shaking. Erybody look sked.

Matthew 26:38

He tell um, “Eh, you know, I stay real sad inside, jalike I goin mahke. Try no sleep—stay ova hea wit me.”

Luke 22:44

Jesus suffa plenny, an pray mo hard. He sweat jalike blood drip down on top da groun.

John 12:27

Den Jesus tell, “Right now I feel all funny kine inside. Wat I goin tell? ‘Faddah, no let me mahke!’? No way I goin tell dat! Dass why I wen come hea, fo me mahke.

Joshua 7:5

Da Ai guys chase um from in front da town gate an down da hill, to da place wea dey cut stone blocks. Dey kill bout thirty-six a da Israel guys. Den da odda Israel guys come bum out an lose fight, jalike dea heart come weak.