Songs 21:8 - Hawaii Pidgin Bible

⁸ Dass how you goin handle All da peopo dat stay agains you. Wit yoa strong right hand, You goin catch da ones dat stay hate you.

Songs 21:8 ပူးပေါင်းရင်းမြစ်များ

2 Samuel 7:1

Den King David start fo live inside his palace. Da One In Charge let him res fo him no need fight da guys dat stay agains him. Dose guys live all aroun him.

Songs 109:20

Da One In Charge, wat I tell, Az how I like you pay back Da peopo dat stay agains me, Da ones dat stay talk bad bout me.

Songs 16:8

I make shua I tink bout Da One In Charge, Cuz he stay in front me foeva. No mo notting throw me off, Cuz he stay right dea by me.

Songs 18:1

David tell: “Eh! You Da One In Charge! I get love an aloha fo you! You da One make me strong!”

Songs 2:9

You goin smash um wit one iron bar, An bus um up Jalike dey ony clay pots.’ ”

Songs 72:9

I like fo da peopo dat live Wea no mo watta Go down on top dea knees In front him. I like fo da ones dat stay agains him Eat dirt!

Isaiah 10:10

We wen take ova diffren lands dat get dea kings befo time, An da idol kine gods fo dose lands, was mo strong Den da Jerusalem an Samaria kine idol gods.

Luke 19:14

But da peopo hate da alii guy, an dey sen guys to da odda place fo tell, ‘We no like dis guy fo come oua king.’

Luke 19:27

Da guys dat stay agains me an no like me fo come dea king—bring um ova hea, an kill um in front me.’ ”

1 Corint 15:25

Christ gotta stay da King, you know, till God bus up all da peopo dat go agains Christ fo show dat Christ da winna ova dem.

Jesus Show 19:15

One sharp kine sword come out from his mout, an he win da war agains all da diffren peopos from all ova da world wit da sword. He goin be King ova dem, an lead dem wit one iron club. Da Guy on top da white horse goin walk all ova da grapes dat make da wine. An dat show dat Da God Dat Get All Da Powa stay huhu, an had it wit da bad kine stuff da peopo stay do.

1 Samuel 25:29

My boss, wen somebody go chase you fo try kill you, fo shua yoa God, Da One In Charge, goin make shua you stay alive! Jalike he take kea all da peopo dat suppose to stay alive, jalike he keep um wit all da odda peopo dat get da real kine life fo dem no get hurt. But he goin make shua da guys dat hate you goin mahke, jalike he use one sling fo throw um far.

1 Samuel 31:3

Dey fight hard fo get to Saul. Da bow an arrow guys shoot um, so den he stay shake cuz he all bus up.