Songs 21:4 - Hawaii Pidgin Bible

⁴ Da king wen tell you fo give him life, An you wen give him long life, foeva!

Songs 21:4 ပူးပေါင်းရင်းမြစ်များ

1 Kings 2:33

Dese two guys mahke, an Joab get da blame fo dat, an erybody dat come from him, get da blame too. But fo David an da peopo dat come from him, an his ohana, an fo da kings dat goin come from David, Da One In Charge goin make eryting come good fo dem, foeva.”

1 Kings 2:45

But Da One In Charge goin do good tings fo me, King Solomon. Fo shua, kings from David blood goin sit on top King David throne in front Da One In Charge, foeva.”

2 Kings 11:12

Jehoiada bring da king boy outside in da open lanai, an put da king kine crown on top his head. He give da boy one copy a da Rules From God, so bumbye he no foget da deal wit Da One In Charge. Da peopo make him king. Dey put olive oil on top his head fo show dey pick him, an da peopo all clap dea hands, an yell, “We like da king live foeva!”

Songs 119:175

Keep me alive! Den, I goin tell good tings bout you. An da tings you tell cuz you da judge, Dat goin help me.

Songs 119:77

Let me know you get pity fo me. Fo me live fo real kine, Cuz yoa Rules make me feel Real good inside.

Songs 13:3

Eh! You Da One In Charge! You my God! Try look wass happening, an do someting fo me! Make me come strong one mo time, Cuz no good I jus mahke!

Songs 133:3

Wen erybody stick togedda Jalike dey one, Make you feel real good. Jalike wen dew go on da grass Morning time On top da hills aroun Jerusalem, An jalike on top Mount Hermon. Weneva peopo stick togedda lidat, Da One In Charge make shua Eryting go good fo dem, An dey get da real kine life To da max foeva!

Songs 72:17

I like fo peopo no foget Wat kine king him, Foeva, all da time da sun stay shine. I like fo all da nations tell, “God do good tings fo us, Cuz a dis king an his ohana!” An dey tell, “Dis king, Fo shua he stay good inside!”

Songs 89:29

I goin make shua Dat da peopo dat goin come From David blood line, Goin stay in charge. Goin get one a dem wit da right Fo sit on top David throne foeva, Jalike da sky stay foeva.

Songs 91:16

I goin make him stay good inside cuz he know he goin live long time, He goin see my powa Fo get my peopo outa trouble.”

Zekariah 6:13

He goin build da temple fo me, an he goin get respeck jalike he one king, an sit on top his throne, an lead jalike one king. He goin be one pries guy too, ova dea on top his throne. He goin do da two jobs togedda, an do um good.’

Jesus Show 1:18

I da One dat stay alive! I wen mahke, but look! Now I stay alive foeva! I get da powa fo open da door fo da place wea da mahke peopo stay, cuz I get da key an can make mahke peopo come alive!