Songs 21:1 - Hawaii Pidgin Bible

¹ Eh! You Da One In Charge! Da king real happy Cuz you stay strong! Da king like throw one party Cuz you wen help him win da war!

Songs 21:1 ပူးပေါင်းရင်းမြစ်များ

Songs 2:6

“No matta wat you guys tink, I awready wen give My king guy da powa Fo stay in charge fo me! He da king on top Zion Hill, Jerusalem town, On top da mountain Dass spesho fo me!”

Songs 20:9

Eh! You Da One In Charge! Make oua king win! Wen us guys yell fo him help us, We like him lissen an help us!

Songs 28:7

Da One In Charge, he da One make me strong, An he jalike one shield fo no mo notting hurt me. Inside I trus him. Da One In Charge wen give me powa. He wen help me, an I stay good inside. I like how awesome he stay Dass why I sing dis to him

Songs 62:7

God da one dat get me outa trouble An make da peopo get respeck fo me. He jalike one big strong rock Wea I can hide. I stay tight wit God, An he da One stay hide me.

Songs 63:11

Da King, he goin stay real good inside Cuz az how God stay. Erybody dat make one strong promise An tell God fo put kahuna on top dem If dey no do wat dey promise fo do, Dey goin tell dat God da bestes. But erybody dat stay bulai peopo, God goin shut um up.

Songs 71:17

God, from da time I was one young boy, You stay teach me, An now, I goin tell erybody Bout da awesome tings you do!

Songs 95:1

Eh! Us guys yell to Da One In Charge, Cuz us stay good inside! Us goin make big noise Fo da One dat stay strong Jalike he one big rock, Da One dat get us guys outa trouble!

Songs 99:4

Eh God! You da strong king. You get love an aloha Fo whoeva do da right ting! You da One dat tell Wass da bestes way fo da Israel peopo An you set up da rules fo dem, How fo do wass right.

Matthew 2:2

“Wea da boy dat born, da King fo da Jews? We wen spock one star come up da east side dat show dat he born awready, an we come hea fo go down in front him an show him plenny respeck.”

Hebrews 12:2

Da whole time us guys stay run da race, we look at one guy ony, dass Jesus. He da One dat help us start fo trus God, an da One dat help us fo trus God to da end. Wen he wen suffa on top da cross, he hang in dea. Neva bodda him dat dey make him come shame. He do dat cuz he know dat bumbye he goin come real good inside. An in da end, he sit down in da mos importan place, by God throne, on da right side.