Songs 20:8 - Hawaii Pidgin Bible

⁸ All dem odda guys, dey go down on dea knees an come wipe out, But us guys, we help each odda fo stan up, cuz us da winnas!

Songs 20:8 ပူးပေါင်းရင်းမြစ်များ

2 Kings 19:23

You wen sen yoa messenja guys hea Fo talk bad bout me, da Boss. An you, Sennakerib, you wen tink lidis: “Me, Sennakerib, I ride inside my war wagon An bring all my war wagons wit me On top da mountains, All da high mountains inside Lebanon! An I wen cut down da tall cedar trees, An da bestes pine trees! An I go make camp In da far place wea get da bestes kine trees.

2 Records 14:10

Asa army guys go out fo fight um. Da two armies line up fo fight inside da Zefatah Valley nea Mareshah.

2 Records 14:11

Den Asa call out to his God, Da One In Charge, fo help. He tell, “Da One In Charge, you help peopo, no matta dey get plenny guys o dey not strong! Da One In Charge, you oua God. So help us guys, cuz we need you fo make us strong. We da peopo dat get yoa name, an dass why we goin go agains dis big army. Da One In Charge, you oua God. No let peopo win ova you!”

Ezra 8:22

I shame aks da King fo sen army guys an horse rida guys fo go wit us an make shua nobody come agains us guys wen we stay go. Cuz us guys wen tell da King befo time, “Oua God, he stay take kea all da peopo dat stay pray to him, but he stay real huhu agains all da peopo dat stay ack jalike he notting.”

Songs 124:8

Da One In Charge, us know Wat kine god him, an he help us. He da One wen make da sky an da world!

Songs 125:1

Da peopo dat trus Da One In Charge, Dey stay solid all da time, Jalike Mount Zion, Dat no move an stay solid.

Songs 33:16

Jus cuz one king get plenny army guys, Dat no mean he goin get outa trouble. Jus cuz one army guy real strong, Dat no mean da guy goin win da war.

Songs 33:17

If you tink you goin get outa trouble Jus cuz you get One good kine army horse, You wrong. Da horse real strong fo shua, But he no goin help you fo run away.

Smart Guys 21:31

You can make yoa horse ready fo da war, But Da One In Charge, Him da One can make you da winna.

Hosea 14:4

Da One In Charge tell, “I goin make dem come good, No matta dey wen tell ‘Laytas’ to me. I goin show plenny love an aloha fo dem Cuz I no stay huhu wit dem no moa.

Micah 7:8

You guys dat stay agains me, No laugh bout me! No matta I fall down, I goin stan up one mo time. No matta jalike I sit inside one dark place, Da One In Charge goin stay jalike one light fo me.

Joshua 11:4

All dose king guys come out wit all dea plenny army guys an plenny horses an war wagons. Dey real plenny, jalike da sand on top da beach.

Local Leadas 5:31

Deborah tell: “Da One In Charge, I like all da guys dat stay agains you, come wipe out! But I like da peopo dat get love an aloha fo you, Come jalike da bright sun wen stay shine in da sky.” Den da peopo res, an no fight nobody fo forty year.

1 Samuel 17:45

David tell Goliat, da Filisha guy, “You! You stay come agains me wit one sword an wit one big spear fo poke an one small spear fo throw. But me, I come agains you cuz I know wat kine god Da One In Charge stay! He Da God Ova All Da Armies, da God dat da Israel army guys pray to. Him, da one you wen talk bad bout!