Songs 20:5 - Hawaii Pidgin Bible

⁵ Eh King! Wen God make you win da war, Us guys goin make big noise cuz we stay good inside, An we goin wave flag Cuz we know wat kine god we get. I like Da One In Charge make eryting happen Dat you aks him fo do.

Songs 20:5 ပူးပေါင်းရင်းမြစ်များ

Songs 118:15

Can hear da peopo Dat get um right wit God, Stay yelling inside dea army camp. Dey stay good inside Cuz God wen help um fo win. Dey tell: “Da One In Charge, He show dat he get plenny powa! Dass why us guys win!

Songs 13:5

But me, I stay trus you, you know. You goin stay tight wit me cuz I yoa guy. Bumbye you goin get me outa trouble, An I goin dance an sing.

Songs 19:4

Da tings da sky tell, Peopo all ova da world awready know bout um. Ery place on top da earth, Da peopo awready hear wat da sky tell. Da sun, he stay inside da sky. Dass wea God wen put up one tent fo him.

Songs 21:1

Eh! You Da One In Charge! Da king real happy Cuz you stay strong! Da king like throw one party Cuz you wen help him win da war!

Songs 21:3

Eh! You Da One In Charge! Wen da king come back, You give him yoa aloha An make eryting come good fo him. You put one crown on top his head, Da kine dey make wit da bestes kine gold.

Songs 35:9

Den, I goin come real good inside cuz a Da One In Charge, An I goin feel real good Cuz he get me outa trouble.

Songs 60:4

But fo da ones Dat get choke respeck fo you, Az jalike you give um one flag Fo dem know wea fo run Wen dey stay fight, One place fo come togedda Wen da odda guys shoot arrow, No ways Dey goin reach yoa guys! (Time out fo da music.)

Songs 9:14

So wen I go back Zion Town, I goin tell bout all da awesome tings you do! I goin show dat I stay good inside Cuz you wen get me outa trouble.

Outa Egypt 17:15

Den Moses pile up stones ova dea fo make one altar place. He call dat place “Da One In Charge, jalike one war flag fo me.”

Isaiah 11:10

Dat time, dis wat goin happen: Goin get one new king stay come. He goin get King David blood, jalike David faddah ohana da root fo him, an him da new branch. Dat king, goin be dea jalike one flag, so all da diffren peopos goin know he dea, fo all da diffren peopos know fo go by him. Peopo inside all da countries goin aks him wat fo do. An da place he goin live goin be awesome.

Isaiah 25:9

Dat time, peopo goin tell, “Eh! Dis, oua God, fo shua! We wen trus him, An he wen get us outa trouble! Dis Da One In Charge, da One we trus. Now, us guys can dance an sing, An stay feel real good inside Cuz he wen do dat.

Isaiah 61:10

I stay feel plenny good inside cuz a Da One In Charge. I feel real good cuz a my God. Cuz jalike he give me clotheses fo wear Dat show he da One get me outa trouble, An jalike he give me one nice robe Fo show I get um right wit him. I feel jalike one guy dat goin get married An wear one fancy hat jalike da pries guys, An I feel jalike da lady dat goin marry too, An wear all kine jewelry!

Micah 4:5

No matta all da odda peopos know wat kine gods dey live wit, Us guys, we goin stay tight Wit oua God, dass Da One In Charge a us, Cuz we know wat kine god him, foeva an eva.

Habakkuk 3:18

Still yet I goin stay good inside Cuz a Da One In Charge. I goin dance an sing Cuz God, he da One Get me outa trouble!

Luke 1:47

I feel real good inside Cuz God take good kea a me.

1 Samuel 1:17

Eli tell her, “Go den, an I like eryting stay good fo you. An I pray dat God, da God fo da Israel peopo, goin give you wat you wen aks him fo give you.”

1 Samuel 17:45

David tell Goliat, da Filisha guy, “You! You stay come agains me wit one sword an wit one big spear fo poke an one small spear fo throw. But me, I come agains you cuz I know wat kine god Da One In Charge stay! He Da God Ova All Da Armies, da God dat da Israel army guys pray to. Him, da one you wen talk bad bout!