Songs 20:2 - Hawaii Pidgin Bible

² Da God dat stay inside da place dat stay spesho fo him, Inside Jerusalem, on top Mount Zion, I like him go help you. I like him make you stay strong.

Songs 20:2 ပူးပေါင်းရင်းမြစ်များ

2 Samuel 5:7

But David, he take ova da strong wall aroun Mount Zion! Nowdays, dass da place dey call “David Town.”

2 Samuel 6:17

Dey bring da Box Fo Da One In Charge, an put um wea suppose to stay, inside one tent dat David wen make fo um. An David make one sacrifice dea in front Da One In Charge, wit burn up kine sacrifices, an da kine sacrifices dat show dat eryting stay good wit Da One In Charge an da peopo.

1 Kings 6:16

Da back 30 feet, he make one room fo be da Real, Real Spesho Place Fo God. He cova da inside walls dea too wit cedar wood board, dat go from da floor to da ceiling.

Songs 3:4

I wen yell to Da One In Charge Fo help me. He hear me up dea On top da mountain Dat stay spesho fo him, An he help me. (Time out fo da music.)

Songs 54:3

Cuz get peopo I donno Dat stay come agains me. Dese da kine guys dat no bodda dem wen dey hurt peopo. Dey da ones dat like kill me! An dey no give a rip bout you, God. (Time out fo da music.)

Songs 73:17

But den, one time, I wen go inside Da place dat stay spesho fo you, God! Inside dea, I wen start fo undastan Wat goin happen To da bad guys bumbye!

Smart Guys 18:10

Wen da peopo dat stay do wass right Know fo shua, wat kine god Da One In Charge, Den Da One In Charge goin take kea dem. Jalike Da One In Charge one strong towa fo dem Wea dey can run inside fo hide.

Isaiah 12:6

Yell loud! Yell cuz you guys feel good inside, All you peopo dat live inside Jerusalem town! Cuz da Good An Spesho God fo da Israel peopo Stay wit all you guys, Az why you know he da greates!”

Isaiah 14:32

Wen da messenja guys from dat army aks you If you guys goin give up, Tell um, “No way! Was Da One In Charge Dat put his big town Jerusalem hea. Fo da peopo dat need help, Dey can go inside Jerusalem An nobody goin hurt um dea.”