Songs 2:9 - Hawaii Pidgin Bible

⁹ You goin smash um wit one iron bar, An bus um up Jalike dey ony clay pots.’ ”

Songs 2:9 ပူးပေါင်းရင်းမြစ်များ

Songs 89:23

Da peopo dat go agains him, I goin smash um. Da peopo dat hate him, I goin wack um.

Isaiah 30:14

Da wall goin broke jalike one clay pot. Goin all broke in small pieces, Cuz I no goin hold back notting. Da small pieces dat stay, No goin be big enuff fo take hot coal from da fire, O even fo get watta from da watta place.”

Isaiah 60:12

Cuz da king o country dat no help you guys, Da peopo goin mahke An da country goin get wipe out.

Jeremiah 13:14

Den I goin smash um agains each odda jalike dey clay wine jars. I goin even smash da faddah-muddah guys agains dea kids too, all togedda. I no goin show pity fo dem, o make easy kine to dem, o give dem chance. I goin wipe um out.’ ” Az da message from Da One In Charge.

Jeremiah 19:11

Tell dem, ‘Dis wat Da One In Charge, da God Ova All Da Armies, tell: I goin broke down dis peopo an dis big town, jalike Jeremiah wen broke dis bottle from da guy dat make pots, so no can fix um. Da Judah an Jerusalem peopo goin bury dea mahke guys inside dis Tofet Valley till no mo room.

Daniel 2:44

“Da time numba four kine govmen get powa, God Inside Da Sky goin set up anodda kine govmen. Dat govmen, no goin come wipe out eva, an odda peopo no goin get um. Dey goin smash all da odda kine govmens, so dey no mo powa. An dat govmen, goin stay solid foeva.

Daniel 2:45

Dass wat da big rock you wen see mean. But nobody wen broke dat rock outa da mountain—da rock dat broke da iron, da bronze, da clay, da silva, an da gold, in small piece. “Da mos importan God wen let you, da king, know wat goin happen bumbye. Da dream stay true, an you can trus wat I tell you bout da dream.”

Micah 5:8

All dose guys from da Jacob ohana dat still stay alive, Dey goin stay in da middo a plenny peopos, Dey goin be jalike one lion in da middo a da wild animals inside da fores. An jalike one young lion in da middo a plenny sheeps. He wase um, an no mo nobody dea fo get um outa trouble.

Matthew 21:44

[Me, da main stone. Da guy dat trip an fall down on top dis stone, da stone goin broke him in small pieces. If dis stone fall down on top one guy, da stone goin make him jalike dus.]”

Jesus Show 12:5

She born one boy. He goin be da King fo lead all da diffren peopos on top da earth. He goin carry one king kine stick dat get iron on top fo show he in charge. But God grab up da boy an bring um to God an to God throne.

Jesus Show 19:15

One sharp kine sword come out from his mout, an he win da war agains all da diffren peopos from all ova da world wit da sword. He goin be King ova dem, an lead dem wit one iron club. Da Guy on top da white horse goin walk all ova da grapes dat make da wine. An dat show dat Da God Dat Get All Da Powa stay huhu, an had it wit da bad kine stuff da peopo stay do.