Songs 2:2 - Hawaii Pidgin Bible

² Get king guys all ova da world stan up An tell wat dey goin do. Da leada guys come togedda fo talk Agains Da One In Charge An agains da spesho guy He pick fo come king!

Songs 2:2 ပူးပေါင်းရင်းမြစ်များ

Songs 110:5

My boss, he stay right dea Wit you fo proteck you. Da time he goin show peopo Dat he real huhu, He goin bus up odda king guys.

Songs 2:10

Az why, you odda king guys, wise up! You leada guys hea inside da world, Lissen wat God tell you fo do, An do um!

Songs 45:7

You like wen stuff stay right An no like wen stuff stay wrong. Dass why God wen pick you Fo come da king. He wen pour olive oil on top yoa head, An not on top yoa frenz head, Fo you stay good inside Cuz he wen pick you.

Songs 48:4

Ova dea, da king guys An dea army guys come togedda. Dey go thru da land togedda Fo take ova Mount Zion.

Songs 48:5

But wen dey look Mount Zion, dea jaws drop! Dey come sked an run away!

Songs 74:18

Eh! You Da One In Charge! Try no foget dis— Da peopo dat stay agains you, Dey like make you come shame. Da stupid peopo dat tink You not importan, Dey talk bad bout who you.

Songs 74:23

No foget wat da peopo tell, Da ones dat stay agains you, An da big noise dat come out Mo an mo all da time From da ones dat like win ova you!

Songs 83:6

Dey da Edom peopo An da Ishmael peopo, Da Moab peopo An da Hagrim peopo,

Songs 89:20

I wen go find David, An he work fo me. I wen put da oil dat stay spesho fo me On top his head, Fo show I wen pick him.

Outa Egypt 16:7

An tomorra, morning time, you guys goin see how awesome Da One In Charge stay. You goin see dat he lissen, no matta you guys stay grumble bout him. You guys grumble bout me an Aaron, but az no big deal. But you guys donno, you stay grumble bout God, not us!”

Smart Guys 21:30

No matta you know wat fo do erytime, No matta you undastan eryting, No matta you make one plan, Wen you go agains Da One In Charge, Notting goin happen!

Isaiah 61:1

Da Spirit from my Boss, Da One In Charge, He stay in charge a me, Cuz he wen put oil on top my head Fo show he pick me. He sen me fo tell good kine stuff To da peopo dat odda peopo tink not importan, An fo help da peopo dat feel all bum out Fo dem feel good inside one mo time, Fo tell da ones da army guys wen take to dea country, Dey can go home now, An fo tell all da prisona guys, Da prison stay open now fo dem go.

Matthew 2:16

King Herod, he find out dat da guys dat know plenny bout da stars trick him, an he come real wild. He sen his army guys an tell um, “Go inside Betlehem an all da odda place ova dea, an kill all da small boys.” Dey kill all da boys two year ol an mo younga. Herod figga dat time, cuz da guys dat know plenny bout da stars wen tell him wat time da star show up firs time.

Matthew 26:3

Dat time, da Main Pries guys an da older leadas fo da peopo come togedda inside da Main Pries Guy palace. Kaiafas, he da Main Pries Guy dat time.

Matthew 26:59

Da Main Pries guys an all da main leadas try fo find guys fo bulai bout Jesus in front da judge. Az cuz da leada guys like kill Jesus.

Matthew 27:1

Early morning time, all da Main Pries guys an da older leadas fo da peopo figga out how dey goin kill Jesus.

Luke 13:31

Dat time, had some Pharisee guys dat come by Jesus an tell him. “You betta get outa hea, an go anodda place, cuz King Herod like kill you, you know.”

John 1:41

Da firs ting Andrew do, he find his braddah Simon an tell him, “Us wen find da Messiah.” (“Messiah,” dat mean “da Christ Guy, da Spesho Guy God Wen Sen,” dea language.)

John 15:23

Whoeva hate me, dey hate my Faddah too.

John 3:34

Da Guy God Wen Sen tell wat God tell, cuz God no hold back wen God give him his Spirit.

Jesus Guys 10:38

An God give Jesus from Nazaret his Good An Spesho Spirit an powa. Jesus go all ova da place, an do da good kine stuff. Da Devil take charge a plenny sick peopo wit his powa, but Jesus even make dem all come good. Jesus do dat cuz God stay wit him.

Jesus Guys 9:4

He fall down on top da groun an hear one voice tell him, “Eh Saul! Saul! How come you make me suffa?”

Hebrews 1:9

You stay plenny good inside wen peopo do da right ting, An wen peopo broke da Rules, you had it wit dat. Az why you da one I wen pick from all da guys dat stay by you. Az why I put olive oil on top yoa head fo show dat you da King, An dat you feel mo betta inside Den anybody!”