Songs 19:9 - Hawaii Pidgin Bible

⁹ Wen you stay real sked a Da One In Charge, Jalike dat make you come clean inside, An help you stay dat way, foeva. Da One In Charge, he da judge, An wen he tell wass right an wass wrong, All da tings he tell, stay right an stay true erytime.

Songs 19:9 ပူးပေါင်းရင်းမြစ်များ

Start 22:12

Da One In Charge tell um, “Put down da knife, no hurt da boy! No do notting to um. You was ready fo kill um cuz az wat I tell you fo do! But now, I know fo shua dat you get awesome respeck fo me, yoa God. Cuz you neva even hold back from me da ony boy you get, az why.”

Start 42:18

Afta da three day, Joseph tell da braddah guys, “You know, I one guy dat get awesome respeck fo God. Az how come I stay tell you guys wat you gotta do so you no goin mahke.

1 Kings 18:12

But afta I leave you, I donno wea God Spirit goin pick you up an bring you. If I go tell Ahab dat you stay hea, an he no can find you hea, he goin kill me! No matta I yoa slave guy, an I get awesome respeck fo Da One In Charge from small kid time.

Nehemiah 5:15

But da guys dat was govna befo me, dey wen make um hard fo da peopo. Dey wen make dem bring food an wine, an all dem gotta pay 40 silva coin. Even da guys dat work fo da odda govnas, dey wen ack jalike az okay fo dem tell da peopo wat fo do too. But I neva make lidat, cuz I sked wat God goin tell if I do dat.

Songs 10:5

Dese bad guys, da way dey live, Eryting come out good fo dem. But wen God judge dem, Dey no can undastan How come he judge um lidat. Dass why dey make fun A da peopo dat stay agains dem.

Songs 111:10

If you come sked wen you tink Bout who Da One In Charge, Cuz you get plenny respeck fo him, Den you ready fo start Fo learn wat fo do. Erybody dat stay do Wat Da One In Charge tell um fo do, Dey can undastan stuff fo real kine. Good, dat erybody tell all da time Dat Da One In Charge, he da greates!

Songs 115:13

Da One In Charge do good tings Fo da peopo dat feel sked Wen dey come in front him, No matta dey no stay importan, O dey stay importan, same ting.

Songs 119:1

Da kine peopo Dat nobody can poin finga dem An dat no go da wrong way, Cuz dey follow da Rules From Da One In Charge, Dose peopo can stay good inside!

Songs 119:106

I make one strong promise awready, An now I tell dis one mo time, Dat I goin do Wat I wen promise fo do. I goin do da tings dat you tell Stay right, cuz you da judge.

Songs 119:111

Da tings you teach, Dey goin stay wit me all my life, Cuz dey da tings dat make me Stay real good inside.

Songs 119:142

You do da right tings erytime. Da Rules you teach, can trus um.

Songs 119:39

Make da peopo pau talk bad bout me, Cuz good, da way you judge um. But I sked wat goin happen to me If dey ony talk lidat.

Songs 119:62

Late nite time, I get up Fo tell good tings bout you, Cuz weneva you judge peopo, You judge um da right way.

Songs 119:7

All da time I stay learn How you erytime judge peopo Da right way. Cuz a dat, I no goin hold back Fo tell good tings bout you!

Songs 119:75

Eh! You Da One In Charge! Dis wat I know: Eryting you tell cuz you da judge, Az da right ting. Weneva you punish me, Az cuz dass da right ting fo do.

Songs 12:7

Eh! You Da One In Charge! You goin take kea da peopo dat no mo notting, So dat da bad peopo dat get nowdays no can hurt um, eva.

Songs 147:19

Da One In Charge, he da One Dat wen tell da Jacob ohana peopo Da tings he like fo dem know. He wen tell da Israel peopo (Dass da same Jacob ohana) His Rules An da tings he tell cuz he da judge.

Songs 36:1

Wen peopo go agains God, Dat make da peopo tink lidis: “Da way us guys see um, No need come sked a God!” Dis, jalike da bad kine stuff Talk to dem inside.

Songs 36:6

How you do da right ting erytime— Dass awesome, Jalike da mos big mountains! Da way you tell Wass right an wass wrong Cuz you da judge, Dass deep, Jalike da mos deep ocean! Eh! You Da One In Charge! You stay get peopo an animals Outa trouble.

Outa Egypt 21:1

Dis da rules you goin give da peopo fo dem know wass right an wass wrong:

Smart Guys 8:13

(You know, if you sked wen you go In front Da One In Charge Cuz he so awesome, Dat mean, wen somebody do bad kine stuff, you no like dat.) Wen peopo get big head, O wen dey come high makamaka, O wen da way peopo live, dey ony like ack bad, O wen dey tell stuff fo try trick you, I no like dat too.

Isaiah 26:8

Da One In Charge, fo shua us guys like live Da way you show us fo us stay wait Fo find out how you goin judge peopo. Da ting us fo real kine like fo erybody know, Is wat kine god you, an no foget you.

Isaiah 45:19

I no make secret kine wen I talk, Jalike I stay some place Inside one land wea no mo light. I neva tell da peopo dat come from Jacob ohana, ‘No matta you guys try fo find me, Dat no goin mean notting fo you guys.’ Me, Da One In Charge! Wat I tell, I tell um fo real kine.

Jesus Guys 10:22

Da guys tell, “Captain Cornelius sen us. He one good guy dat get respeck fo God, an all da Jew guys get respeck fo Captain Cornelius. One spesho angel guy from God tell him fo bring you by his house fo hear wat you get fo tell.”

Rome 11:22

Try tink bout dis: God get one good heart—but same time, he punish peopo real good. He goin punish real good da guys dat no lissen him. But fo da guys dass not Jew guys, God get one good heart fo you guys if you stay tight wit God an trus him fo be good to you. But if you no trus him fo get one good heart fo you, he goin hemo you from da tree too.

Rome 2:2

But we know dis: Erytime God tell dat da peopo wen do bad kine stuff, we know wat he tell stay true.

Rules Secon Time 4:8

You tink get odda importan nations dat get rules fo tell wass right an wass wrong, an laws dat stay pono? Fo shua no mo! Da rules an laws dat I stay give you guys today mo betta den all da odda nations!

Jesus Show 15:3

Dey stay sing jalike Moses, da guy dat wen work fo God, an jalike God Bebe Sheep Guy. Dey sing: “God, you Da One In Charge! You Da God Dat Get All Da Powa. You do big an awesome stuff. You erytime do wass right an wass true. You da King fo all da diffren peopos foeva an eva!

Jesus Show 16:7

Den I hear one voice from da altar tell, “Az right! You Da One In Charge, Da God Dat Get All Da Powa. You da Judge. An eryting you do, you do um right An tell da trut.”

Jesus Show 19:2

God, he da Judge. He ony tell da trut, An do wass right! He wen punish da big hoa Cuz she wen make da peopo inside da world Do real bad kine stuff, jalike her. He wen punish her Cuz she wen kill da peopo dat work fo God.”

1 Samuel 12:24

But make shua you guys stay sked a Da One In Charge an show um plenny respeck, an go all out fo work fo him fo real kine. Tink bout all da big kine tings he wen do fo you guys.