Songs 19:8 - Hawaii Pidgin Bible

⁸ Wen Da One In Charge tell someting you gotta do, An you do um, Dass da right ting fo do, Dat make you like throw party inside you. Wen Da One In Charge tell you how fo live, No mo notting bad bout dat. You do um, you goin undastan how fo live fo real kine.

Songs 19:8 ပူးပေါင်းရင်းမြစ်များ

Start 26:5

I goin do all dis cuz yoa faddah Abraham wen lissen me an do all da tings I tell um dat he gotta do, an eryting I teach um.”

2 Kings 17:37

You guys gotta do wat I tell you gotta do. You gotta do wat I tell az right, cuz I da Judge. You gotta stick wit da rules an do wat I tell you dat you gotta do, an make shua you do eryting dat I wen write down fo you guys, an do um foeva. No go show respeck fo da odda kine gods!

Nehemiah 8:12

Den all da peopo go from dea fo eat an drink an sen food to odda peopo, an fo stay feel real good inside. Cuz now dey undastan da tings da leada guys wen teach dem.

Nehemiah 9:13

“Wen dey stay Mount Sinai, You wen come down dea on top da mountain. You talk to dem from outa da sky an da air. You tell um da right tings fo do, An teach um da Rules dat dey can trus. An da good tings you tell um dey gotta do.

Songs 105:45

You know how come God give um all dat? Az fo dem do Wat he tell um dey gotta do, An fo dem take in wat he teach, An do um. Eh erybody! Go tell good stuff Bout Da One In Charge!

Songs 111:7

Eryting Da One In Charge do, You can trus um, An you know he get da right fo do um. Eryting he tell you gotta do, Fo shua, good fo you do um.

Songs 119:105

Da tings you tell, dass jalike one lamp Fo show me wea fo put my feets, Dass jalike one light Dat let me see da road.

Songs 119:12

Eh! You Da One In Charge! I like tell dat you da One Wen do good tings fo me. Teach me how fo do Wat you tell me I gotta do.

Songs 119:121

I wen do wass right Jalike you tell I suppose to do Cuz you da judge. No go way from me an leave me, Cuz if you do dat, Da peopo dat presha me, Goin hurt me.

Songs 119:128

Dass why all da tings you tell I gotta do, I know fo shua, dey right. An I hate wat peopo do Wen dey bulai odda peopo.

Songs 119:130

Wen peopo hear da tings you tell, Eryting come clear fo dem, Jalike get light. An dat help da peopo Dat donno wat fo do Undastan wat fo do.

Songs 119:14

Da way you teach me wat fo do, Make me stay real good inside. Az wat make me feel good, Mo den all da rich kine stuffs.

Songs 119:143

I get plenny trouble An stay plenny sore inside. But da tings you tell me fo do Make me feel real good inside.

Songs 119:16

Wen I tink bout da tings You tell me I gotta do fo you, Make me feel real good inside. I no goin foget da tings you tell.

Songs 119:171

Help me fo tell how awesome you stay, Cuz you teach me da tings I gotta do.

Songs 119:24

An da tings you tell me watch out fo, Make me feel real good inside, Cuz dey jalike peopo Fo show me wat fo do.

Songs 119:40

Fo shua, I like do Da tings you tell me fo do. Help me live da kine life dass fo real, Cuz you erytime do da right ting.

Songs 119:54

I get plenny songs fo sing Bout da tings you tell me I gotta do, No matta wea I stay, hea inside da world.

Songs 119:80

Den I goin go all out Fo do wat you tell I gotta do. Cuz a dat, I no goin come shame.

Songs 119:92

Wen I hear da Rules you give, Make me feel good inside. Dass why I neva mahke, No matta I suffa plenny.

Songs 12:6

An you know, wen Da One In Charge make one promise, Eryting he tell, stay right on, Jalike da kine silva dey melt seven time Fo take out all da junks.

Songs 13:3

Eh! You Da One In Charge! You my God! Try look wass happening, an do someting fo me! Make me come strong one mo time, Cuz no good I jus mahke!

Songs 40:8

You my God, An wen I do wat you like fo me do, Dat make me come good inside! Da Rules you teach stay inside me.

Songs 93:5

Da Rules you give us guys, Can trus um cuz stay true. Yoa Temple stay how suppose to be, Cuz eryting dea stay spesho fo you, Da One In Charge, foeva.

Outa Egypt 18:16

Erytime dey get problem, dey come in front me, an I figga wat guy stay right an wat guy stay wrong. I make um know da tings God tell dey gotta do, an I tell um wat da Rules From God mean, weneva dey aks me bout dat.”

Smart Guys 2:6

Cuz Da One In Charge, he da One Dat teach peopo wat fo do. Da stuff he tell, Dass wat goin make you know stuff An undastan stuff.

Smart Guys 30:5

Eryting God tell, You know az true Wen you trus him fo take kea you. He jalike one shield fo you no get hurt.

Smart Guys 6:23

Cuz da ting I tell you fo do, An da rules yoa muddah teach you, Dass jalike one small lamp, O one light Dat show you da way fo live fo real kine, An show you wat you wen do wrong, Fo you go back to da right way fo live.

Isaiah 64:5

You come fo help da peopo dat do da right ting An stay good inside cuz a dat, An no foget how you make. But fo shua, wen us still do bad kine stuff, You wen stay huhu! Az why us gotta live how you like us live An live lidat foeva! Dass da ony way us goin get outa trouble!

Jeremiah 15:16

Wen I hear wat you tell, I lissen real good, Jalike I stay eat um up! All dat make me stay good inside, Make me like dance an sing. Cuz peopo know I stay tight wit you! Da One In Charge, you da God Ova All Da Armies!

Ezekiel 36:27

An I goin put my Spirit in charge a you guys. He goin make you like live da way I tell you gotta live. Dass how you goin make shua you do wat my rules tell you fo do.

Rome 3:20

Dass why no mo nobody dat can tell dat dey get um right wit God, jus cuz dey wen do eryting da Rules From God tell um fo do. Da Rules From God ony show dat us guys wen do bad kine stuff.

Rome 7:22

I stay real good inside wen I tink bout da Rules from God.

Rome 7:7

So den, wat you tink? Da Jew kine Rules no good, o wat? No ways! If I neva undastan da Rules, den no way I undastan da bad kine stuff dat stay inside me. If da Rules neva tell, “No take odda guys stuffs fo ony you,” den I neva know I not suppose to take odda guys stuffs fo ony me.

Galatia 2:19

I wen try fo do wat da Rules tell me fo do, but no can cuz da Rules no mo powa fo help me do um. Dass how come I no stick wit da Rules no mo fo me get um right wit God. Now I stay learn fo live fo God.

Galatia 3:21

You tink da Rules From God jam up all dat God wen promise? No way! If had rules dat get da powa fo make peopo live foeva, den God wen make peopo get um right wit him cuz a da rules. But neva had dat kine rules.

Rules Secon Time 16:11

Dance an sing in front yoa God, Da One In Charge, at da place he goin pick fo peopo go dea find out wat kine god him. You, yoa boys an girls, yoa worka guys an wahines, da Levi ohana peopo inside yoa towns, an da peopo from anodda place, da kids dat no mo faddah o muddah, da wahines dat no mo husban dat live wit you guys, all dose peopo goin do um.

Rules Secon Time 16:14

Dance an sing fo da spesho religious kine ceremony—you, yoa boys an girls, yoa slave guys an wahines, da Levi ohana peopo, da peopo from anodda place, da kids dat no mo faddah o muddah, da wahines dat no mo husban, erybody dat stay inside yoa town.