Songs 18:7 - Hawaii Pidgin Bible

⁷ Den da groun wen shake cuz a da earthquake, Undaneat da mountains da foundation stay shake! Da foundation wen move one side to da odda side, Cuz God come huhu!

Songs 18:7 ပူးပေါင်းရင်းမြစ်များ

Songs 34:16

But Da One In Charge stay agains Da peopo dat stay do bad kine stuff. He goin wipe dem out from dis world, So nobody even rememba who dem.

Songs 34:18

If you stay sad inside, Da One In Charge Goin stay real nea you. Da peopo dat feel all bus up inside, Da One In Charge get um outa all dat.

Songs 39:13

No get mad face at me no moa! Let me smile one mo time Befo I go way an mahke.

Songs 40:2

He wen pull me up Jalike he pull me outa one big hole Wea I litto mo mahke. He pull me outa dea, Jalike outa da sticky mud Fo make me stan on top one big rock Fo me walk an no fall down.

Songs 46:2

Dass how come us guys no stay sked, No matta get earthquake An da mountains fall down An broke into small pieces An fall down inside da ocean.

Jeremiah 4:24

I look da mountains. Dey stay shake jalike get earthquake! I look da hills. Dey stay move dis side an dat side!

Habakkuk 3:10

Wen da mountains see you do dat, dey shake. Da rain storm make big watta go thru da gulches. Da deep ocean make big noise, An make da waves go real high.

Habakkuk 3:6

Wen he stop, da earth shake. Wen he look da peopos, dey come sked an shaking. Da mountains dat stay from befo time come broke up. Da ol hills fall down. He do wat he do foeva.

Zekariah 14:4

Wen dat happen Da One In Charge goin stan wit his feets on top da Olive Ridge, dat stay across Jerusalem da east side. An da Olive Ridge goin split, an make one wide valley dat go from da east side a da ridge to da west side. Cuz half da ridge goin move da north side, an half goin move da south side.

Matthew 28:2

Right den an dea, da groun shake real hard all ova, cuz one angel messenja guy from Da One In Charge come down from inside da sky. Da angel guy push da big rock away from da open part, an sit down on top da rock.

Jesus Guys 4:31

Wen dey pau pray, da place wea dey stay togedda shake. An da Good An Spesho Spirit take ova all dem. Dey tell da tings God tell wit powa, an dey no come sked.

1 Corint 13:2

An if I was one guy dat talk fo God, an I wen know all kine secret stuffs an all da kine stuffs dat da smart guys know, an if I wen go all out fo trus God fo make da mountains move, but I no mo love an aloha, den wat? Az poho all dat!

Rules Secon Time 32:22

I stay huhu jalike one fire dat stay burn. Da fire dat burn all da way To da bottom a da Mahke Peopo Place, Goin burn up da earth an da food dat grow on top um. Goin burn up da foundations fo da mountains.

Local Leadas 5:4

“Da One In Charge, wen you go out from da Seir Range, Wen you march outa da Edom land, Da earth shake, da sky pour down watta. Da clouds make rain.