Songs 18:34 - Hawaii Pidgin Bible

³⁴ He teach me how fo fight in da war, Az how I strong fo even pull da metal kine bow.

Songs 18:34 ပူးပေါင်းရင်းမြစ်များ

2 Samuel 22:36

“Eh God! You get me outa trouble Jalike you give me yoa shield fo me no get hurt. No matta dat you mo importan den me, No bodda you fo help me. Dass how you make me come one importan guy.

Songs 144:1

I like tell Da One In Charge “Mahalo!” Cuz he do plenny good tings fo me. I go by him fo hide, Jalike he one big solid rock. Him da one dat teach me how fo fight, An how fo make war.

Songs 46:9

An all ova da world, He make peopo pau fight So dat no mo war. He broke dea bows fo shoot arrow, An broke dea spears too, An burn up dea shields wit fire.

Isaiah 28:6

Da guys dat get da job fo judge, He goin make dem come So dey fo real kine like judge da right way. Da army guys dat get da job Fo make whoeva like fight dem Go back da town dey come from, He goin make dem fight good.

Isaiah 45:1

Dis one spesho message from Da One In Charge Fo one guy he pick awready: “Dis fo King Cyrus! I take his right hand fo help him, Cuz I goin make him win Wen he go afta da peopo inside odda countries. I goin take away da sword an sword belt From da odda kings, so dey no can fight. Az how I goin open doors fo Cyrus go inside. Even da big town gates no goin stay shut in front him!

Jeremiah 49:35

Dis wat Da One In Charge, da God Ova All Da Armies, tell: “You know wat I goin do?! I goin make da Elam peopo so dey no can fight! Jalike I goin broke dea bows an arrows, Az da main ting dat make um strong.

Hosea 1:5

Dat same time, I goin broke da bows an arrows fo da Israel peopo inside da Jezreel Valley.”

Habakkuk 3:19

Da One In Charge a me, He make me strong! He make my feets run jalike one deer. He help me fo move an no fall down Even on top da high places. (Fo da guy dat stay in charge a da music: Use da big an small harp.)