Songs 18:2 - Hawaii Pidgin Bible

² Da One In Charge, he make shua notting bad happen to me, Jalike he one solid rock mountain an one strong wall. He jalike one big solid rock, Fo me go by him fo hide me. He real strong, Jalike he one shield dat no let nobody touch me. He jalike one big wall.

Songs 18:2 ပူးပေါင်းရင်းမြစ်များ

2 Samuel 22:3

My God, jalike one big solid rock fo me. I go by him fo him hide me. He jalike one shield dat no let nobody hurt me. He da One make me strong, an get me outa trouble. He jalike one place on top da mountains, Da one I go to wen I run away, He da One stay get me outa trouble— Wen da peopo dat stay agains me try fo bus me up, Da One In Charge, you take kea me!

Songs 116:1

I get love an aloha fo Da One In Charge, Cuz wen I tell him I need help, He lissen!

Songs 132:17

Inside Jerusalem, I goin make one guy come king Dat get plenny powa. He goin come From King David ohana. He da One I pick awready, An I goin make shua He stay king long time, Jalike one lamp dat stay on foeva.

Songs 144:2

God stay tight wit me cuz I his guy, Jalike he one strong wall On top one mountain, Dat nobody can climb ova Fo come afta me. He da One make shua Notting bad happen to me, Jalike he one shield I use Fo no let nobody touch me. He da One give me da powa Ova da odda peopos.

Songs 19:14

Eh! You Da One In Charge! Eryting I tell wit my mout, An eryting I tink, I like fo all dat be wat you like, Cuz you my solid rock, An you da One dat get me outa trouble.

Songs 28:1

Eh! You Da One In Charge! You da Guy! You strong, jalike one big rock! I stay yell to you! I like fo you help me! So no go make deaf ear! Cuz if you no do notting, I goin be jalike da peopo Dat litto mo mahke An go inside da Deep Dark Hole!

Songs 59:11

I no like fo you kill da bad kine peopo, Cuz if you jus kill um, My peopo goin foget wat wen happen. Mo betta you use yoa powa Fo make dose guys homeless, An den bring um down. You my Boss, an you da one Dat no let us guys get hurt Jalike you one shield fo us.

Songs 62:2

He da ony one dat stay Jalike one big rock wea I can hide, An he get me outa trouble. He jalike one strong wall fo me. Nobody goin make me Fall down real hard.

Songs 62:7

God da one dat get me outa trouble An make da peopo get respeck fo me. He jalike one big strong rock Wea I can hide. I stay tight wit God, An he da One stay hide me.

Songs 75:10

God tell: “Da peopo dat stay do bad kine stuff, I goin take away all dea powa. Da peopo dat stay do wass right, I goin give dem plenny mo powa.”

Songs 91:2

I tell dis bout Da One In Charge: “Him, he jalike one strong wall Dat no let notting hurt me. He da God fo me. I trus him.”

Songs 91:4

He goin make shua notting go afta you Jalike da muddah bird Hide da small bird unda her wing. You can trus him! Dass why he stay jalike one shield O one wall fo proteck you.

Outa Egypt 15:2

Da One In Charge, he da One dat make me strong an solid, He wen come da One dat get me outa trouble. He da God fo me, an I like tell, he da greates! He stay da God fo my faddah guy too, an I goin tell, he da bestes!

Smart Guys 18:10

Wen da peopo dat stay do wass right Know fo shua, wat kine god Da One In Charge, Den Da One In Charge goin take kea dem. Jalike Da One In Charge one strong towa fo dem Wea dey can run inside fo hide.

Smart Guys 2:7

Wen peopo stay do da right ting, God make um fo dem figga how fo get outa trouble, An dass how he take kea dem. Da peopo dat erytime do stuff da right way, He no let notting hurt dem. He jalike one shield An notting can go thru him.

Isaiah 32:2

Da king goin be da kine guy Dat goin be jalike one place Fo da peopo hide From da strong wind o da rain, So no can wack um. He goin help da peopo fo res, Jalike one watta ditch inside one dry place, An jalike one big rock Dat make one big shadow In da place wea no mo watta.

Jeremiah 16:19

Me, Jeremiah, I pray lidis: “Eh, you Da One In Charge. You da One make me strong! You give me one strong place fo hide! I can run away dea wen get trouble! All da nations all ova da world goin come by you From da mos far places inside da world. Dey goin tell, ‘Fo shua, oua ancesta guys ony get bulaia kine gods, Idol kine gods dat good fo notting. Da idol kine gods neva help dem.’

Hebrews 2:13

An one mo time, anodda place in da Bible, Jesus tell dis: “I goin trus God erytime.” An anodda place, he tell dis one mo time: “Look! Dis me! An dese guys, dey God kids! God wen give dem to me!”