Songs 18:12 - Hawaii Pidgin Bible

¹² But God so awesome, da strong light in front him Broke da clouds An hail an fire come down jalike da rain.

Songs 18:12 ပူးပေါင်းရင်းမြစ်များ

Songs 104:2

Da One In Charge Get light all aroun him, Jalike dass wat he wea. He set up da whole sky Jalike one guy set up one tent cova.

Outa Egypt 19:9

Da One In Charge tell Moses, “I goin go by you inside one heavy cloud. I goin do dat, so da peopo goin hear me wen I talk to you. Cuz a dat, dey goin trus you foeva.” Afta Moses tell God wat da peopo wen promise fo do,

Isaiah 50:3

I make da whole sky come dark Jalike I stay put burmbag kine cloth all ova da sky, Fo show da sky stay sad inside.”

Matthew 17:2

Den, da same time dey stay look at him, Jesus start fo look diffren in front dem. His face shine jalike da sun, an his clotheses come shiny kine jalike one bright light.

Matthew 17:5

Peter still stay talking, an you know wat? Get one bright cloud cova dem. Den, one voice from inside da cloud tell, “Dis my boy! I get plenny love an aloha fo him. I feel real good inside cuz a him. Eh, lissen him!”

Joshua 10:11

Wen dey stay running away from da Israel guys on top da road dat go down from Bet-Horon to Azekah, Da One In Charge make big kine hail stone come down on top dem from da sky. Mo plenny Amor guys wen mahke from da hail den from da Israel guys swords.

Jesus Show 16:21

Den one real big kine hail storm come down from da sky. Ery piece hail weigh bout hundred poun, an dey fall down on top da peopo! Den da peopo talk bad bout God cuz a da hail, cuz was so bad.