Songs 17:8 - Hawaii Pidgin Bible

⁸ Try take kea me, Jalike peopo take kea dea eye fo no get hurt! Try proteck me, Jalike da muddah bird put her wing ova da bebe bird!

Songs 17:8 ပူးပေါင်းရင်းမြစ်များ

Songs 16:1

Eh God, no let notting bad happen to me! I trus you fo proteck me.

Songs 36:7

Eh God! You get one big heart Fo help yoa peopo, An no can get notting betta den dis! Az why peopo can run by you An hide fo no get hurt, An you cova dem Jalike da muddah bird Hide dea bebe birds unda da wings.

Songs 36:8

Inside yoa house, Get ony da bestes stuffs, An you give yoa peopo all dat. You give um plenny tings Dat make um feel real good inside, Jalike you give um watta fo drink From one riva Dat erytime get plenny watta.

Songs 57:1

Eh God! Do good tings fo me! Do good tings! Cuz wen I aks you fo take kea a me, Den, nobody can hurt me. I like you take kea me, Jalike da muddah bird Put da bebe birds unda her wing Fo nobody hurt dem. I goin stay by you fo nobody hurt me, Till all dis stuff pau, Dat can wipe me out Jalike one storm.

Songs 57:2

I yell to God fo help me, Da God Dass Mo Importan Den All Da Odda Gods, Da God dat know wat he like me fo do, An he goin make um fo me do um.

Songs 61:4

I like stay wea you stay long time, Inside yoa spesho place. I like run by you an hide fo no get hurt, An you cova me, Jalike da muddah bird Hide da small birds unda her wings. (Time out fo da music.)

Songs 61:5

You, you my God. An befo time, Weneva I make one promise to you, You wen lissen. You wen give me da kine tings you get Fo da peopo Dat get choke respeck fo you, Cuz dey know who you.

Songs 63:7

Cuz you da One dat stay help me. Wen I know fo shua Dat you take kea me, Az jalike you put yoa wings ova me, Az why I can sing an dance.

Songs 91:1

Da God Dass Mo Importan Den All Da Odda Gods, He stay hide you Inside his secret place. Cuz he Da God Dat Get All Da Powa, He let you stay wit him Fo no mo notting hurt you.

Songs 91:4

He goin make shua notting go afta you Jalike da muddah bird Hide da small bird unda her wing. You can trus him! Dass why he stay jalike one shield O one wall fo proteck you.

Smart Guys 7:2

Do da tings I stay tell you fo do, Den you goin live fo real kine. No foget fo do wat I stay teach, Jalike you no foget fo keep stuff outa yoa eyeballs.

Zekariah 2:8

Dis wat Da One In Charge, Da God Ova All Da Armies, tell: “Afta da Awesome One sen me fo go afta da peopos dat wen rip off you guys, dose peopos goin get it! Cuz da one dat hurt you guys, jalike az my spesho peopo dat he hurt—an he goin get hurt jalike wen he poke da middo a his eye.

Matthew 23:37

“Sad! You Jerusalem peopo! You guys stay kill da guys dat talk fo God, an throw stones fo kill da guys God sen by you guys. Plenny times I wen like bring you guys by me, jalike one muddah chicken bring togedda her bebe chickens unda her wings, but you guys no like come.

Luke 13:34

“Wassamatta you peopo inside Jerusalem?! You wen throw rocks an kill da guys dat talk fo God befo time. Plenny times I wen like bring all yoa kids togedda, jalike one muddah hen bring togedda her chicks unda her wings, but you guys no like come by me!

Rules Secon Time 32:10

Da One In Charge wen find da Israel peopo inside da dry boonies, One place wea no mo notting Ony get wild animals stay making big noise. But Da One In Charge stay all aroun da Israel peopo so notting hurt dem. An he take kea dem. He make shua notting hurt dem, Jalike erybody make shua nobody hurt dea eye.

Ruth 2:12

“I like Da One In Charge do plenny good tings Fo pay you back good kine, Cuz a all da tings you wen do fo Naomi. He Da One In Charge, da God fo da Israel peopo. You wen come by him, An now he goin take kea you!”