Songs 17:10 - Hawaii Pidgin Bible

¹⁰ Dem guys, dey no mo pity fo nobody. Dey talk big bout dea life Jalike dey tink dey God!

Songs 17:10 ပူးပေါင်းရင်းမြစ်များ

Job 15:27

“But now, no matta da bad kine guys face come fat, An dey come momona awready! Make dem look rich, aah?

Songs 119:70

Dey get hard head an stay pupule. But me, wen I lissen yoa Rules, Dat make me come all good inside.

Songs 123:4

Us stay had it awready, Cuz da peopo dat ack high makamaka An no mo notting fo do, Talk stink bout us an laugh. An da proud peopo dat put Plenny presha on us, Dey stay make jalike us guys notting.

Songs 31:18

Get peopo dat ack high makamaka kine, An tink dey mo betta den erybody. Dey no shame fo talk bad Bout da peopo dat do wass right. But dey erytime bulai. Mo betta dey shut up, Jalike somebody tie up dea mout.

Outa Egypt 15:9

“Da guys dat stay agains us, dey tell, ‘I goin chase um! I goin catch um up! I goin give my frenz dea share A da stuff I goin take away from dem guys! I goin do eryting I like do to dem! I goin pull out my sword an kill um! Wit ony my hands I goin make um run away from hea!’

Outa Egypt 5:2

Da Pharaoh guy tell, “Wot! Who you talking bout, wen you tell ‘Da One In Charge,’ aah? You tink I suppose to lissen wat he tell me, fo me let da Israel peopo go? I donno Da One In Charge guy! An no way I goin let go da Israel peopo!”

Isaiah 6:10

Make dem so dey no can tink good, Make dem so dey no can hear good, An shut dea eyes so no can see good. I no like fo dem see wass happening, I no like fo dem start fo lissen, An fo tink good. Cuz if dey wen change, Den dey goin come good. But dey no goin change.”

Matthew 13:15

Cuz dis peopo get hard head, Dea ears no can hear good, Dey close dea eyes, Cuz dey no like see fo real kine, Dea ears, dey no like hear fo real kine, Inside dem, dey no like undastan notting. Dey no like change da way dey live, Fo me make um come good.’ “Dass wat God tell.

Jesus Guys 28:27

Cuz dis peopo, dey hard head, Dey no can hear good wit dea ears. Dey shut dea eyes, Cuz dey no like see fo real. Dey no like hear wass fo real. Inside dey no like undastan fo real. Dey no like change Fo me make um come good.” ’ Dass wat Isaiah tell.”

Rules Secon Time 32:15

But Jeshurun, az da Israel peopo Dat stay do wass right, Dey wen come real fat an do Ony wat dey like do. Eh, I stay talk bout you Israel peopo! You guys eat too much an come real fat. You wen bag from da God dat wen make you. Da One dat stay solid jalike one big stone Da One get you guys outa trouble, But you guys tink he stupid, an bag from him.

2 Peter 2:18

Dese guys talk big, but dey no tell notting. Dey talk lidat cuz dey like bulai peopo fo make um do any kine wild sex dea body like. An dey go afta peopo dat start fo go back da right way, cuz dey like run away from da ones dat live da wrong way.

1 Samuel 2:3

“Eh you guys! Shut yoa mout! No talk like you get big head awready! Cut da pilau attitude, aah?! Cuz Da One In Charge, he da God dat know eryting. An he da One dat figga out awready If da work somebody do, stay good o no good!