Songs 17:1 - Hawaii Pidgin Bible

¹ Eh! You Da One In Charge! I stay tell you Fo do da right ting fo me, so try lissen! I stay yell to you fo help me, So try lissen real good! I stay pray to you, An I no bulai notting.

Songs 17:1 ပူးပေါင်းရင်းမြစ်များ

2 Samuel 22:24

In front God, no mo nobody can poin finga me. I make shua I no do notting bad An God no goin punish me.

2 Records 7:15

From now, my eyes goin stay open. I goin lissen good wen da peopo pray inside dis place.

Nehemiah 1:6

Try look down hea. I stay pray day time an nite time fo you help yoa peopo, da Israel peopo. I stay tell you fo real kine, us Israel peopo wen do plenny bad kine tings agains you. Me an all my ohana peopo, us do bad kine tings!

Job 16:17

But I neva bus up nobody. An wen I pray, I stay clean inside.

Songs 102:2

Right now, I stay presha out, So no go look da odda way! Lissen to me, An do someting fo me real quick Cuz I stay yelling fo you help me!

Songs 140:12

But I know dis: You Da One In Charge, An you da Judge dat goin help Da peopo dat no mo notting. You goin make shua Dat da pooa peopo get dea rights.

Songs 142:1

I yell fo Da One In Charge help me. I talk loud wen I pray To Da One In Charge Fo give me chance.

Songs 142:6

Try lissen wen I yell fo you help me, Cuz I stay all jam up! Get me outa trouble from da peopo Dat chase afta me, Cuz dey mo strong den me.

Songs 143:1

Eh! You Da One In Charge! Try lissen wen I pray to you. Cuz I stay beg you fo help me, Lissen up! Do someting fo help me, Cuz I know I can trus you An I know you do Da right ting erytime.

Songs 145:18

Da One In Charge, he stay ready fo help All da peopo dat yell fo him help um. He stay nea erybody Dat tell him fo help um An him no bulai dem.

Songs 18:20

I stay pono wit Da One In Charge, Dass why he make good to me. I no do notting bad, Dass why Da One In Charge pay me back good kine.

Songs 18:44

Wen da peopos from odda countries hear bout me, Right den an dea dey tell, “Eh King David! You da boss!” But wen dey tell dat, dey ony bulai fo make show.

Songs 43:1

Eh God! You da judge Fo show erybody dat I okay. I need fo you show proof Dat I neva do notting bad. Cuz da whole nation, Dey no stay tight wit you! I need fo you rescue me Away one place Wea dey no can hurt me. Away from da ones dat stay bulai An do bad tings to me.

Songs 5:2

I yell fo you help me, so lissen up! You, you my king an my God. You da one I stay pray to.

Songs 54:4

But God! you da one dat stay help me. You da Boss dat hold me up Fo me no fall down an mahke.

Songs 55:18

Cuz God goin get me outa trouble Fo let me win dis war An no get hurt. He goin make eryting come good fo me, No matta get plenny peopo Dat like fight me.

Songs 61:1

Eh God! Wen I yell fo help, lissen! Wen I pray, go hear wat I tell!

Songs 61:2

From da mos far place on top dis earth I yell fo you help me Weneva I feel all bum out An weak inside. Show me wea fo go Fo hide on top one big rock Dat stay mo importan den me,

Songs 66:19

But fo shua, Wen I pray, he lissen.

Songs 7:8

Eh! Da One In Charge, you da judge fo all da diffren peopos Kay den, Da One In Charge, show dat I stay right wit you, Cuz nobody can poin finga me. You, da Mos Importan One!

Songs 84:9

Eh God! Look da king guy, Dat proteck us guys, Jalike one shield! Try do good tings fo him, aah? Him da guy you wen pick.

Songs 86:1

Eh! You Da One In Charge! Lissen real good, Cuz I goin pray to you. Do wat I stay aks you fo do! Cuz I no mo notting, An I get real hard time.

Songs 86:6

Eh! Da One In Charge, Lissen real good fo wat I stay praying. Lissen to da tings I stay aks you Fo do fo me!

Songs 88:3

Get choke plenny bad tings Dat happen to me An I no can handle dem. Jalike I litto mo go Inside da Mahke Peopo Place.

Isaiah 29:13

My Boss tell: “Dis peopo tell dey mines, But dey ony mout! Dey talk jalike dey get respeck fo me. But ony mout dem! Inside dey stay far from me. Wen dey like show love an respeck fo me, Dey ony copy da words dey wen learn From da rules odda peopo tell um fo do.

Jeremiah 3:10

An cuz a wat da Israel peopo stay do, dea sistah guys da Judah peopo, dat stay ack jalike one wahine you no can trus. Dey no go all out fo come back by me. Dey ony ack!” Az da message from Da One In Charge.

Matthew 15:8

“ ‘God tell, “Dese guys talk jalike dey get respeck fo me, But inside dey stay far from me.

John 1:47

Jesus spock Natanael stay come by him, an he tell, “Dis guy one fo real kine Israel guy. No mo notting fake inside him! He erytime tell da trut.”

1 John 3:21

My good frenz. Az good if no mo notting inside us dat tell we wen do bad kine stuff. We know same time we no need come shame wen we pray to God.