Songs 16:8 - Hawaii Pidgin Bible

⁸ I make shua I tink bout Da One In Charge, Cuz he stay in front me foeva. No mo notting throw me off, Cuz he stay right dea by me.

Songs 16:8 ပူးပေါင်းရင်းမြစ်များ

Songs 109:31

Cuz wen somebody need help, Da One In Charge, He stay right dea by dem Fo get um outa trouble, No matta odda peopo Like judge dem an kill um.

Songs 110:5

My boss, he stay right dea Wit you fo proteck you. Da time he goin show peopo Dat he real huhu, He goin bus up odda king guys.

Songs 121:5

Da One In Charge, he da One Dat take kea you. He stay right dea nea you, Jalike he make shade Fo da sun no bodda you.

Songs 139:18

Wen I try fo count um, Dey mo plenny den da sand On top da beach! Still yet, erytime I wake up, You stay right dea wit me!

Songs 15:5

Dey no charge extra interes Wen dey lend money. Dey no take dirty money From somebody dat like hurt one guy Dat neva do notting bad.” Dass wat God tell. Dat kine peopo, dey da ones Dat goin stan solid foeva!

Songs 21:8

Dass how you goin handle All da peopo dat stay agains you. Wit yoa strong right hand, You goin catch da ones dat stay hate you.

Songs 62:3

How long you guys Goin attack one guy?! How long all you guys Goin bus him up Jalike you bus up one wall Dat lean one side O one fence dat litto mo fall down?!

Songs 62:6

He da ony one dat stay Jalike one big rock wea I can hide, An he get me outa trouble. He jalike one strong wall fo me. Nobody goin make me Fall down real hard.

Songs 62:7

God da one dat get me outa trouble An make da peopo get respeck fo me. He jalike one big strong rock Wea I can hide. I stay tight wit God, An he da One stay hide me.

Songs 73:23

But eh Da One In Charge! Still yet, I stay tight wit you, Jalike you stay hold my right hand.

Songs 73:26

No matta my body an my heart Come litto mo poho, You make me stay strong inside, Jalike one rock. An da one ting I get fo shua, Is you, God, foeva.

Hebrews 11:27

Cuz Moses wen trus God, dass why he go outa Egypt. An wen he go, he no sked da king, no matta da king plenny huhu wit him. Moses wen hang in dea, cuz jalike he see God, da One nobody can see.