Songs 16:5 - Hawaii Pidgin Bible

⁵ Eh! You Da One In Charge! Da main ting I get cuz I yoa kid, I get you! You, you make good tings happen fo me, Cuz you stay in charge a eryting dat goin happen to me.

Songs 16:5 ပူးပေါင်းရင်းမြစ်များ

Songs 11:6

He goin make fire fall down On top dose bad kine peopo, jalike was rain. He goin punish dem wit burning sulfur an hot wind.

Songs 116:13

I goin tell Da One In Charge “Mahalo plenny!” Cuz I know wat kine god him. An I goin make one drink kine offering, Cuz he wen get me outa trouble.

Songs 119:57

Eh God! You wen give me you, Da One In Charge! I promise fo do wat you tell me fo do.

Songs 125:3

Bumbye, maybe one bad kine king Take ova da land Wea da peopo live Dat stay do wass right. But dat kine king No goin stay king long time. Cuz if he stay da king, Maybe da good guys like do Bad kine stuff Fo ovathrow da bad king.

Songs 132:11

Befo time, Da One In Charge Make one strong promise to David, Da kine promise you can trus, An God no goin change his mind. He tell: “I goin put one king Dat goin come from you, David, On top da throne, Jalike wen you was in charge.

Songs 142:5

I yell fo you fo help me, Da One In Charge. I tell, “You, da one take kea me Fo nobody hurt me. I get ony you, All da time I live inside dis world!”

Songs 2:6

“No matta wat you guys tink, I awready wen give My king guy da powa Fo stay in charge fo me! He da king on top Zion Hill, Jerusalem town, On top da mountain Dass spesho fo me!”

Songs 23:5

You set up da tables An put food on um in front me, Fo da guys dat stay agains me See wat you do fo me. You put olive oil on top my head Fo show you get aloha fo me. You make shua my drinking cup Stay full erytime.

Songs 73:26

No matta my body an my heart Come litto mo poho, You make me stay strong inside, Jalike one rock. An da one ting I get fo shua, Is you, God, foeva.

Songs 89:4

‘I goin make shua dat da peopo Dat goin come from you, Goin get da right fo be kings, foeva.’ ” Dass wat God wen promise. (Time out fo da music.)

Songs 9:4

Az cuz you judge me awready An tell dat no mo notting wrong wit me. You sit on top yoa throne, cuz you da Judge. You tell, I get um right wit you, An you do wat stay right erytime.

Isaiah 42:1

Da One In Charge tell, “Dis da guy dat work fo me. I kokua him. He da guy I pick awready. I feel good inside cuz a him. My Spirit stay inside him. He goin do wass right Fo all da peopo inside da diffren countries.

Isaiah 53:12

Az why I goin give him his share, Same ting jalike I goin give plenny odda peopo. He goin be jalike one a da strong army guys Dat bring back plenny stuffs from one war An give all da peopo dea share. Cuz he let da peopo kill him, An even count him Jalike he one a da peopo dat go agains me. Him, da one take da blame fo plenny peopo, An pray fo da peopo dat stay go agains me.”

Jeremiah 10:16

Da One da Jacob peopo get fo be dea God, He not jalike dose idol kine gods! Cuz he da One wen make eryting. He make da Israel ohana peopo fo come his peopo. Da One In Charge, he Da God Ova All Da Armies, Az wat kine god him!

Sad Song 3:24

I figga, “I get Da One In Charge fo my share, so I no need notting moa. Az why I goin wait fo him fo help me.”

Jesus Guys 2:32

God wen make Jesus come alive one mo time, an all us guys see him an tell bout him.

Jesus Guys 5:31

God take Jesus by him, an make Jesus sit by da importan place by his right side, cuz he da Main Leada, an he da One dat take us outa da bad kine stuff we do. He da One goin help da Israel peopo come sorry fo all da bad kine stuff dey do. He goin let um go an hemo dea shame.

1 Corint 15:25

Christ gotta stay da King, you know, till God bus up all da peopo dat go agains Christ fo show dat Christ da winna ova dem.

Efesus 5:18

No get piloot cuz den you goin go wild an make shame. But let God Spirit take charge a you.

Rules Secon Time 18:2

Cuz dey no goin get land from Da One In Charge jalike dea braddah guys. Wat dey goin get, az da right fo be da pries guys fo Da One In Charge, jalike he wen make one promise to dem.

Rules Secon Time 32:9

Da One In Charge wen pick his peopo, Fo come dea God. Da peopo dat come from Jacob, Dey his property.

Joshua 22:25

Da One In Charge wen make da Jordan Riva jalike one wall wit us on dis side an you Reuben an Gad guys on da odda side. You guys no mo da right fo go down in front Da One In Charge.’ So den yoa kids goin make oua kids pau stay sked a Da One In Charge an no goin respeck um.

Joshua 22:27

But dis altar goin be one ting dat make you guys an us guys no foget dis: us guys get da right fo go down in front Da One In Charge fo show love an respeck fo him, ova dea by his Tent. An same ting fo oua kids bumbye, us guys goin go ova yoa side fo make burn up kine sacrifices an regula sacrifices an sacrifices dat tell dat Da One In Charge an us stay good.’ Den bumbye yoa kids no goin tell oua kids, ‘You guys no mo da right fo go down in front Da One In Charge ova hea.’