Songs 16:10 - Hawaii Pidgin Bible

¹⁰ Cuz you no goin leave me Inside da Mahke Peopo Place. I stay tight wit you, Az why you no goin make me know How stay, inside da grave.

Songs 16:10 ပူးပေါင်းရင်းမြစ်များ

Songs 49:15

But fo shua, God goin pay da price So I no gotta go Da Mahke Peopo Place. (Time out fo da music.)

Jesus Show 1:18

I da One dat stay alive! I wen mahke, but look! Now I stay alive foeva! I get da powa fo open da door fo da place wea da mahke peopo stay, cuz I get da key an can make mahke peopo come alive!

Jesus Show 20:13

Den da peopo dat wen mahke inside da ocean come up an go in front da Judge. An da mahke guys dat stay inside da place wea da mahke peopo go, dey come up too. Den God check um all out an judge um, fo all da stuff dey wen do.

Luke 16:23

Inside Hell da rich guy suffa plenny, an he look up. He spock Abraham far away wit God, wit Lazarus by his side.

Luke 1:35

Da angel guy tell, “Da Good An Spesho Spirit goin come ova you. Da God Dass Mo Importan Den All Da Odda Gods, his powa goin cova you. An da bebe you goin get, God goin call him ‘Spesho Fo Me’ an ‘God Boy.’

Isaiah 14:9

Da peopo down inside Da Mahke Peopo Place Dey no can wait fo meet you guys Cuz you goin go down dea too. Da spirits a da mahke leada guys from da whole world, Da kings fo all da countries, Dey goin stan up from dea thrones fo meet you guys.

Rules Secon Time 32:22

I stay huhu jalike one fire dat stay burn. Da fire dat burn all da way To da bottom a da Mahke Peopo Place, Goin burn up da earth an da food dat grow on top um. Goin burn up da foundations fo da mountains.

1 Corint 15:42

Wen da mahke guys come back alive, same ting goin happen jalike wit da seed, aah? Dey put da guy body inside da groun an da body come rotten. But wen da guy come back alive, he no goin mahke eva!

Census 6:6

An all da time dey stay diffren an spesho fo me Da One In Charge, dey no can go nea one mahke body.

Prieses 19:28

“No cut yoa body fo show you stay sad inside cuz a da mahke guys. No make tattoo on top yoa skin. Me, Da One In Charge.

Luke 4:34

“Whoa! You Jesus from Nazaret! Wat you like do to us spirits? How come you come ova hea? Fo kill us, o wat? I know who you! You da Good an Spesho Guy from God!”

Amos 9:2

“ ‘No matta dey dig way down inside da Mahke Peopo Place, I goin pull um back outa dea wit my hand. No matta dey go up to da sky, I goin pull um back down from dea.

Daniel 9:24

“Seventy times seven year, az da time God wen make fo yoa peopo an fo yoa town dat stay spesho fo God: fo make da peopo dat go agains God stop, fo make da ones stay do bad kine stuff stop, fo make sacrifice, fo make da peopo dat do wass wrong come pono wit God, fo make dem do da right kine stuff all da time, fo put seal fo show dat wat da guy dat talk fo God dream stay fo real, an fo make da Real Real Spesho Place inside da Temple come spesho fo God one mo time.

Isaiah 5:14

Dass why, jalike wea da mahke peopo go, Da mout stay open big, An waiting fo erybody. Cuz down inside dea, All da rich kine peopo goin go. Same ting fo da odda kine peopo Dat stay make big kine noise an go party out.

Smart Guys 27:20

Da Mahke Peopo Place, Dey call um Da Deep Dark Hole, Erytime like suck mo plenny peopo down inside. Same ting fo da peopo dat get greedy eye, Dey erytime like take mo plenny stuff.

Smart Guys 15:11

Da One In Charge, he can even see inside Wea da mahke peopo stay. Den fo shua, he can even see inside All da peopo dat stay alive.

Songs 139:8

If I go up to da sky, you stay ova dea. If I spread out my bed Inside da Mahke Peopo Place, You stay ova dea too.

Songs 9:17

All da peopo dat do bad tings, I like dem go way to da Mahke Peopo Place, All da diffren peopos dat ack jalike God no matta!

Job 11:8

Mo high den da sky— Wat you can do bout dat? Mo deep den da Mahke Peopo Place— How you goin know bout dat?