Songs 150:3 - Hawaii Pidgin Bible

³ Blow da sheep horn trumpet real loud Fo tell good tings Bout Da One In Charge! Play da bass harp an da regula harp Fo tell good tings Bout Da One In Charge!

Songs 150:3 ပူးပေါင်းရင်းမြစ်များ

2 Samuel 6:15

David an all da Israel ohana stay bring up da Box Fo Da One In Charge, an dey stay yell cuz dey stay good inside an dey stay blow da sheep horn trumpets.

2 Samuel 6:5

David an all da Israel ohana go all out fo dance an sing in front Da One In Charge, wit all kine music instruments dey make from cypress wood, like small twelve-string harp, bass harp, tammorines, rattles, an cymbals.

1 Records 15:20

Zekariah, Aziel, Shemiramot, Jehiel, Unni, Eliab, Maaseiah, an Benaiah suppose to play da bass harps an sing falsetto kine.

1 Records 15:24

Shebaniah, Joshafat, Netanel, Amasai, Zekariah, Benaiah, an Eliezer da pries guys, dey suppose to blow da long metal trumpets in front da Box Fo God. Obed-Edom an Jehiah, dey security guard guys fo da Box too.

1 Records 15:28

Dass how all da Israel peopo bring up da Box Fo No Foget Da Deal Wit Da One In Charge. Dey yell cuz dey feel good inside, an dey make noise wit da sheep horn trumpets an da long metal trumpets, da cymbals, da bass harps, an da small harps.

1 Records 16:42

Heman an Jedutun get da kuleana fo play da long metal trumpets an da cymbals, an fo play da odda music kine tings fo da songs fo God. Jedutun boys, dey da security guard guys Gibeon side.

1 Records 25:1

David an da main leadas fo da work fo all da Levi guys, pick some a Asaf boys, Heman boys, an Jedutun boys. Dea kuleana, fo give da messages from God an use da bass harp, da small harp, an da cymbals fo do dat. Dis da names fo da guys an wat dey do:

2 Records 20:28

Dey go inside Jerusalem, wit bass harps, small harps, an metal trumpets, an go da Temple Fo Da One In Charge.

2 Records 5:13

Da guys dat blow da trumpets an da guys dat sing, dey all play an sing togedda jalike one voice, fo tell Da One In Charge “Mahalo plenny!” an tell good stuff bout um. Dey sing togedda wit da trumpets, da cymbals, an da odda tings fo make da music, an dey sing good stuff bout Da One In Charge lidis: “Sing! Cuz Da One In Charge, he good Cuz he stay tight wit us guys foeva.” Right den an dea, Da One In Charge fill his Temple wit one cloud!

Songs 108:2

I like my bass harp An small harp come alive! An use um fo sing Befo da sun come up.

Songs 149:3

Tell good tings bout Da One In Charge Cuz you know wat kine god him! Dance fo tell good tings bout him, An play tammorine an small harp, An sing fo him!

Songs 33:2

Play da small kine harp fo tell Dat Da One In Charge, he da greates. Play da ten-string harp fo sing fo him.

Songs 92:3

I stay play da ten-string harp An da twelve-string harp, I stay play da small harp Fo help me tink plenny bout you.

Daniel 3:5

Wen you guys hear da soun from da trumpet, da flute, da bass harp, da small harp, da local kine harp, wen dey play all da instrument togedda, right den an dea you guys gotta go down on top da groun fo show respeck fo da gold statue dat King Nebukadnezzar wen put up.

Census 10:10

An wen you guys stay real good inside, wen you guys make da spesho religious kine ceremonies, an da New Moon spesho times, you guys goin blow um long time wit da trumpets ova yoa sacrifices dat you burn up an da sacrifices fo show dat me an you stay good. Dass how da trumpets goin make me no foget you guys. Cuz me, Da One In Charge, I yoa God.”