Songs 15:3 - Hawaii Pidgin Bible

³ Dey no talk bad bout odda peopo. Dey no do notting fo hurt dea frenz. Dey no talk harsh kine to dea neighba guys.

Songs 15:3 ပူးပေါင်းရင်းမြစ်များ

Smart Guys 22:10

Kick out da stupid buggahs Dat tink dey no need learn notting! Den da guys dat tell dey like fight Goin go way too. An peopo no goin take odda peopo In front da judge, Fo talk bad bout dem.

Smart Guys 25:3

An gotta work hard fo undastan how da king guys tink, Jalike az hard fo undastan how high da sky, O how deep da earth stay.

Isaiah 56:2

Whoeva stay do da right ting erytime, An whoeva go all out fo stay lidat, Dey can feel good inside. Same ting, fo whoeva make da Res Day spesho fo me, An no broke um, An whoeva make shua fo no do notting bad kine, All dem goin feel good inside too.

Prieses 19:16

“No go aroun an make bulai story bout anybody wit yoa peopo. “If somebody goin mahke, no ony stan dea an no do notting fo help. Help um, cuz me Da One In Charge.

Matthew 7:12

Az why, wateva you guys like peopo fo do to you guys bumbye, make lidat to dem, same ting, now. Dis eryting dat da Rules From God tell in da Bible, an eryting dat da guys dat talk fo God wen teach.

Rome 1:30

Dey talk bad bout odda peopo. Dey erytime hate God. Dey ack real high makamaka fo peopo no come by dem. Dey tink dey it. Dey talk big. Dey try tink how dey can make eryting hamajang. Dey no lissen wat dea muddah an faddah guys tell um fo do.

Rome 12:17

If get somebody dat make bad kine to you, no make same kine to dem fo pay um back. Try fo figga how fo ack da way erybody know dass da bestes way fo ack.

Rome 13:10

Wen you show love an aloha fo da odda peopo, you no goin do notting fo make bad kine to dem! So den, wen you show love an aloha erytime, dass how you goin do eryting da Rules from God tell you fo do.

Titus 3:2

Tell dem no talk bad bout nobody, an no beef. Dey gotta make frenz wit erybody. Dey gotta tink bout how da odda guy feel. Dey gotta let da odda peopo go firs.

James 4:11

My braddahs an sistahs, no talk bad bout each odda. If one guy talk bad bout one braddah, an make jalike he da one fo judge his braddah, dass mean same time he stay tell dat da Rules from God no stay good, cuz dey tell he no can judge his braddah. He tink he da judge fo him tell dat da Rules no good. If you tell da Rules no good, den you no goin do wat da Rules tell you fo do. You ack jalike you know how fo make one mo betta Rule den God make, but you donno how.

3 John 1:11

My fren, no make jalike da peopo dat do bad kine stuff, but make jalike da peopo dat do good kine stuff. Da peopo dat do good kine stuff come from God. Da peopo dat do bad kine stuff donno God fo real kine.

1 Samuel 24:11

You, you jalike my faddah fo me! Look! You see dis piece from yoa robe, hea inside my hand?! I wen cut off da corna from yoa robe, but I no kill you. Az why you gotta know fo shua dat I no mo da blame fo do someting bad. I no go agains you. I no do notting wrong agains you, but you stay hunt me fo kill me.