Songs 149:4 - Hawaii Pidgin Bible

⁴ Do dat, cuz Da One In Charge Feel real good bout his peopo, Da ones dat know dey no need Go firs erytime. Da One In Charge make dem da winnas, An make um come awesome.

Songs 149:4 ပူးပေါင်းရင်းမြစ်များ

Songs 117:2

Cuz Da One In Charge, da way he stay, He strong fo stay tight wit us guys! Cuz us guys his peopo, Fo trus him foeva! Tell good tings bout Da One In Charge!

Songs 132:16

I even goin make Da spesho kine clotheses Da pries guys wear, Fo make erybody no foget Dat I wen get um outa trouble. Da peopo ova dea Dat stay spesho fo God Goin sing plenny, Cuz dey stay real good inside.

Songs 147:11

Dis wat make Da One In Charge Stay good inside: Wen peopo get choke plenny respeck Fo Da One In Charge, Fo dem feel jalike dey sked In front him, An wen dey wait fo him help dem, Cuz dey know he stay tight wit dem.

Songs 22:8

“So! Dis da guy dat let Da One In Charge handle his problem! Good, Da One In Charge get him outa all dat! If Da One In Charge get real plenny love an aloha fo dis guy, Good, Da One In Charge come get him outa trouble!” Dass how dey talk.

Songs 35:27

Da peopo dat stay good inside Wen da judge tell I okay, I like dem yell Cuz dey feel good inside. I like dem tell erytime, “Da One In Charge, he awesome! Wen eryting go okay fo da guys dat stay work fo him, He stay plenny good inside!”

Songs 90:17

Eh God! You da Boss fo us guys! We like you make real nice To us guys! Da work us do, Make um come out good. Az right, make all dat work we do Come out good!

Smart Guys 11:20

Da One In Charge feel jalike he sick, wen he tink bout Da kine peopo dat like do any kine pilau stuff. He feel real good inside wen he tink bout Da kine peopo dat no do notting bad.

Love Song 1:11

Us goin make roun gold earrings fo you, Wit silva kine bead inside um.

Isaiah 61:10

I stay feel plenny good inside cuz a Da One In Charge. I feel real good cuz a my God. Cuz jalike he give me clotheses fo wear Dat show he da One get me outa trouble, An jalike he give me one nice robe Fo show I get um right wit him. I feel jalike one guy dat goin get married An wear one fancy hat jalike da pries guys, An I feel jalike da lady dat goin marry too, An wear all kine jewelry!

Jeremiah 32:41

I goin stay real good inside bout dem fo do good kine stuff fo dem. An I stay shua cuz I get plenny love an aloha fo dem, an I goin make dem stan strong inside dis land.’ ”

Zefaniah 3:17

Yoa God, Da One In Charge, stay right dea wit you guys! He get plenny powa fo make you guys da winnas! He goin dance an sing bout you guys. He goin make you guys come so notting bodda you, Cuz he get love an aloha fo you guys. He goin yell, cuz he stay real good inside bout you guys!’ ”

Hebrews 12:10

Oua faddah guys wen put presha on us guys fo short time fo make us guys learn stuff, an dey put presha da way dey tink az good fo us guys. But God, he put presha on us guys cuz he know fo real kine dass goin help us. Dass why he put presha on us guys fo make us learn stuff fo us come good an spesho jalike him.

1 Peter 3:4

Wat mo importan, yoa good looks gotta come from da inside, an dis stuff goin las foeva, jalike wen you do eryting nice kine, an no make one big deal about notting. God tell, “Dat kine worth plenny to me.”

1 Peter 5:5

Same ting, you younga guys, lissen yoa older leada guys. Tink lidis: No get big head, cuz da Bible tell, “God stay agains da guy dat get big head, But he do plenny fo help da guy dat no mo big head.”

Jesus Show 7:14

I tell him, “Mista, I donno. But you know!” He tell, “Dis all da peopo dat come out from da big trouble. Da Bebe Sheep Guy, he make um clean inside, cuz he wen bleed an mahke fo dem. Dey all clean inside, jalike wen peopo wash dea clotheses clean, an make um come white.