Songs 148:8 - Hawaii Pidgin Bible

⁸ Da fire too, an da hail from da sky, Da snow an da smoke, Jalike dey tell good tings Bout Da One In Charge too, An even da hurricane too, Dat do wat God tell um fo do.

Songs 148:8 ပူးပေါင်းရင်းမြစ်များ

Start 19:24

Den Da One In Charge make burning sulfur come down outa da sky wea he stay. Da fire come down on top Sodom town an Gomorrah town, jalike was rain.

Job 37:12

He tell da clouds fo huli all ova da world. Dey do wateva God tell um fo do Ery place he tell um fo go.

Songs 103:20

All you angel messenja guys Dat work fo Da One In Charge, Tell how Da One In Charge da One Dat make you come Wat he like you fo come! Da One In Charge wen make you guys, An make you real strong, An you guys lissen him An go do eryting he tell you fo do.

Songs 18:12

But God so awesome, da strong light in front him Broke da clouds An hail an fire come down jalike da rain.

Outa Egypt 10:13

So Moses put his stick fo walk up ova da Egypt land. Da One In Charge bring one wind from da east side. Da wind blow all dat day, day time an nite time. Morning time, had da east wind still yet, an dat bring da locust.

Outa Egypt 10:19

An Da One In Charge change da wind to da west side an make um blow real strong. Da wind pick up all da locust an blow um inside da Red Sea. No mo even one locust kine grasshoppa bug lef inside da Egypt land.

Outa Egypt 14:21

Den Moses hold his hand out ova da sea. Da One In Charge make da wind blow strong on top da watta from da east side all dat nite. Da wind push da sea watta one side an da odda side an make da sea bottom come dry land!

Isaiah 66:16

Da One In Charge goin use da fire an his sword Fo punish all da peopo jalike one judge. Da One In Charge goin wipe out plenny peopo.

Joel 2:30

I goin show awesome kine stuff up in da sky, An down hea on top da earth. Goin get blood an fire an big kine smoke clouds.

Prieses 10:2

So get fire come out from in front Da One In Charge, an burn up da boys an dey mahke.

Amos 4:13

Amos tell dis: “You know wat? Da One In Charge, Him da One dat shape da mountains. Him da One make da wind blow. Him da One tell peopo eryting he tink. Him da One change da morning light Fo make um come dark one time. Him da One walk on top da mos high places inside da world! An him Da One In Charge A Da Armies. Dass wat kine god him!”

Amos 7:4

“Anodda time, dis wat Da One In Charge a me wen show me. Was jalike one dream: Da One In Charge a me stay make ready fo punish da peopo wit fire, da kine fire dat even dry up da big watta. Now, dat fire stay ready fo burn up all da fields too!

Jonah 1:4

Wen dey was going, Da One In Charge make one bite hard wind come on top da ocean. Da storm come on top da watta real strong, an da boat litto mo bus up.

Jonah 1:5

Da saila guys, dey plenny sked. All dem yell fo help to dea gods. Dey throw out da stuffs from da boat fo make um not so heavy, an mo easy fo handle. All dat time, Jonah stay down inside da bottom part a da boat. He lay down inside dea fo sleep an pass out.

Census 16:35

Den fire come from Da One In Charge an burn up da odda 250 guys dat stay burn incense.

Joshua 10:11

Wen dey stay running away from da Israel guys on top da road dat go down from Bet-Horon to Azekah, Da One In Charge make big kine hail stone come down on top dem from da sky. Mo plenny Amor guys wen mahke from da hail den from da Israel guys swords.

Jesus Show 16:21

Den one real big kine hail storm come down from da sky. Ery piece hail weigh bout hundred poun, an dey fall down on top da peopo! Den da peopo talk bad bout God cuz a da hail, cuz was so bad.