Songs 146:8 - Hawaii Pidgin Bible

⁸ Da One In Charge, he da One Dat make da peopo Dat no can see, see, An help da peopo Dat gotta carry too much, fo stan up, An get love an aloha fo da peopo Dat stay do wass right.

Songs 146:8 ပူးပေါင်းရင်းမြစ်များ

Songs 11:7

Cuz Da One In Charge, he erytime do wass right, An he get love an aloha fo da peopo dat do wass right. Dass why da peopo dat stay do da right ting, Dey goin get da right fo live wit him.

Songs 145:14

Wen peopo fall down, Da One In Charge let um lean On top him fo dem stan up. Jalike dey all bend ova Wit heavy kine stuffs fo carry, An he help um stan up.

Songs 147:6

Da One In Charge, Fo da peopo dat no ack big, He help um. But fo da peopo dat stay do wass wrong, Jalike he throw dem down On top da dirt.

Isaiah 35:5

Dat time, da peopo dat no can see, Dey goin see. Da peopo dat no can hear, Dey goin hear.

Isaiah 42:16

I goin take da guys dat no can see On top one road dey neva know befoa. I goin show um wea fo go No matta dey donno da way. No matta stay dark all aroun dem, I goin shine light come in front dem. I goin make da rough kine place come smooth. All dese tings, I goin do um. I no goin leave dem.

Isaiah 42:18

“Lissen, you peopo dat no can hear! Look fo you see, you peopo dat no can see!

Matthew 11:5

Had guys dat no can see, now dey can see. Had guys dat no can walk, now dey can walk. Had lepa guys, now dey no mo sick. Had guys dat no can hear, now dey can hear. Had guys dat wen mahke, now dey stay walk aroun. Da peopo dat no mo notting, now dey hear all da Good Kine Stuff From God dat I stay teach um.

Matthew 9:30

An right den an dea dey can see. Den Jesus tell um strait, “You guys betta not tell nobody notting bout dis.”

John 16:27

My Faddah, he da One dat get love an aloha fo you guys, cuz you guys get love an aloha fo me, an you stay shua dat I wen come from God.

Jesus Guys 26:18

fo open dea eyes an fo turn um away from da dark kine stuff to da light; fo turn um away from da powa Satan get an turn um to God. Den I goin let um go, an hemo dea shame fo all da bad kine stuff dey do. Den dey can come togedda wit all da peopo dat trus me an come good an spesho fo me.’

2 Corint 7:6

But God, he da One dat kokua da peopo dat feel sad inside, an he wen kokua us wen he sen Titus fo come by us.

Efesus 1:18

God, I like you help oua Efesus braddahs an sistahs fo undastan mo betta da good kine stuff you wen promise fo do fo dem bumbye. Az jalike you goin open one light inside dem fo dem fo see. Den dey goin start fo wait fo da tings you wen promise cuz you wen tell dem fo come be yoa guys. Help dem fo know dat all da awesome stuff you wen promise fo give us goin be plenny. Az jalike da same ting you goin give all yoa kids cuz dey stay all out fo you.

Rules Secon Time 33:3

You, Da One In Charge, fo shua you get Love an aloha fo da Israel peopo. All da ones dat stay spesho fo you, Jalike dey stay inside yoa hand. Dey go down in front yoa feets, An dey learn stuff from you.

1 Peter 2:9

But you guys da one God wen pick. You da pries guys fo da King. You guys da peopo dat stay spesho fo God. God tell, “Dey mines!” bout you guys, fo you guys tell erybody all da good stuff God wen do. He tell you guys fo come outa da bad kine stuff an stick wit da good kine stuff he like us fo do. Jalike you wen go outa da dark an come inside da awesome light.