Songs 146:7 - Hawaii Pidgin Bible

⁷ God, he da judge dat make shua Dat da right ting happen Fo da pooa ting peopo Dat get plenny presha. He give food to da peopo Dat stay hungry, An he let da prisona guys go.

Songs 146:7 ပူးပေါင်းရင်းမြစ်များ

Songs 10:18

Wen da peopo dat no mo muddah an faddah yell fo help, An da peopo dat da oddas make any kine to, You goin stan up fo dem. You goin make lidis Fo da bad guys in da world No make nobody sked no moa!

Songs 103:6

Wat Da One In Charge do Erytime stay right. Wen somebody take away Da rights from odda peopo, God, he da judge Dat know da right ting fo do.

Songs 12:5

But Da One In Charge, dis wat he tell: “Get peopo dat like wipe out Da peopo dat no mo notting An need plenny stuff. An get peopo dat need somebody Fo take kea dem, an dey moaning. Cuz a dat, I goin do someting! I goin do wateva I gotta do Fo get dem outa trouble, Cuz fo shua, dass wat dey like me fo do!”

Songs 136:25

Da One In Charge, he da One give food To eryting dat stay alive, Cuz he stay tight wit his peopo foeva!

Songs 142:7

Jalike I all lock up, So get me out! Den I goin tell good tings bout you Cuz I know wat kine god you. I like fo all da peopo Dat stay do wass right Come by me too, Cuz you goin do good tings fo me.

Songs 35:10

I go all out fo tell: “Eh! You Da One In Charge! No mo nobody jalike you! Da peopo dat no mo powa, You get um outa trouble From da ones dat mo strong den dem. Da peopo dat no mo notting, You get um outa trouble From da ones dat like steal dea stuff.”

Songs 68:6

God da one dat give one ohana To da peopo dat no mo ohana. Wen he let da prisona guys Go outa prison, He make shua dey come out solid. Ony da peopo dat go agains God Goin live Inside one hot an dry land Wea no mo notting.

Songs 68:7

Eh God! Dat time wen you wen go out In front yoa peopo An march thru da boonies, (Time out fo da music.)

Songs 72:4

Wen da king judge his peopo, I like fo him make shua Fo help da pooa ting guys. An fo da ohanas dat need plenny, I like fo da king get um outa trouble An poun da ones Dat like take away dea rights.

Songs 9:16

Da One In Charge, he let peopo know him. An he tell who do da right ting An who no do da right ting. Da peopo dat do bad tings, Da tings dey stay do goin make trouble fo dem. (Time out fo da music.)

Isaiah 61:1

Da Spirit from my Boss, Da One In Charge, He stay in charge a me, Cuz he wen put oil on top my head Fo show he pick me. He sen me fo tell good kine stuff To da peopo dat odda peopo tink not importan, An fo help da peopo dat feel all bum out Fo dem feel good inside one mo time, Fo tell da ones da army guys wen take to dea country, Dey can go home now, An fo tell all da prisona guys, Da prison stay open now fo dem go.

Isaiah 9:4

Jalike you wen do befo time, Wen da Midian peopo make da Israel peopo bus ass fo dem. You wen hemo da Israel peopo From da hard work da Midian peopo make dem do. Jalike you wen stop da Midian peopo Fo dem no wack dem wit one stick An poke dem fo dem work mo fas.

Jeremiah 31:14

I goin give da pries guys da bestes kine stuff fo eat Fo dem stay good inside. I goin give my peopo all da good stuff dey can eat.” Az wat Da One In Charge tell.

Malakai 3:5

Da One In Charge Ova All Da Armies tell dis too: “I goin go by you guys in front da judge right den an dea, I goin tell da judge wat I know bout you guys, Bout da ones dat make kahuna kine ceremony, An da ones dat fool aroun behind dea wife o husban back, An da ones dat make one strong promise but dey bulai, An da ones dat make trouble fo dea worka guys cuz dey no like pay um, An make trouble fo da widows an da kids dat no mo faddah o muddah, An da ones dat give one hard time to da peopo from anodda place. All dose peopo, dey no sked me!”

Luke 1:53

He stay give da hungry peopo Good stuff fo eat, An he stay sen away da rich guys Wit notting.

Luke 4:18

“Da Good An Spesho Spirit from Da One In Charge stay in charge a me, Dass why he sen me fo teach da peopo dat no mo notting Da Good Kine Stuff From God. He sen me fo tell da prisona guys Fo dem come free now. An tell da peopo dat no can see, Fo dem see now, An tell da peopo Dat dey no goin suffa no mo From da guys dat make any kine to dem,

Luke 9:17

Dey all eat um, an come full. His guys pick up twelve big baskets an fill um up wit da lefovas.

Jesus Guys 16:26

Right den an dea, da groun shake real hard an da whole jail shake. Den all da doors fo da jail open. An da chains fall off all da prisona guys.

Jesus Guys 5:19

But nite time one angel messenja guy from Da One In Charge open da jail door, an bring dem outside.