Songs 146:6 - Hawaii Pidgin Bible

⁶ God, he da One wen make da sky An da earth, Da ocean too, an eryting inside um. Fo shua can trus Da One In Charge foeva, Fo do wat he tell he goin do.

Songs 146:6 ပူးပေါင်းရင်းမြစ်များ

Start 1:1

Da time wen eryting wen start, God make da sky an da world.

Songs 100:5

Cuz Da One In Charge, he good! He stay tight wit his peopo foeva! Yoa kids An da ones dat goin come from dem, Dey goin know fo trus him Jalike you guys know fo shua Fo trus him!

Songs 115:15

Da One In Charge, Da One dat make da sky an da world. I like fo him give you guys da powa Fo do eryting he wen like you fo do Wen he make you.

Songs 117:2

Cuz Da One In Charge, da way he stay, He strong fo stay tight wit us guys! Cuz us guys his peopo, Fo trus him foeva! Tell good tings bout Da One In Charge!

Songs 33:6

Da One In Charge, He jus tell da sky fo come, An da sky come. He ony need fo talk Fo make all da stars up dea come.

Songs 89:2

Dis wat I tell: “Get one ting stay shua: You stay tight wit yoa peopo foeva. An get anodda ting Dat stay solid inside da sky: You erytime do Wat you tell you goin do.”

Songs 89:33

But still yet, I goin stay tight Wit David all da time. I no goin bulai him fo make um So he no can trus me.

Songs 95:5

Da ocean, he own um, cuz he wen make um. Da dry land, he own dat too, Cuz he da one wen put um togedda.

Songs 98:3

Da One In Charge, he no foget Fo stay tight wit da Israel ohana, An dey can trus him fo do Wat he tell he goin do. Dass why da peopos From da mos far parts a da world Know dat oua God Get his Israel peopo outa trouble!

Outa Egypt 20:11

Me, Da One In Charge, I wen work six days fo make da sky an da earth an da ocean, an all da tings inside dem. But da Numba Seven Day, I res. Dass why I tell da Res Day good, an I make um spesho fo me.

Jeremiah 32:17

“You, Da One In Charge, you da Boss! Fo shua you da One wen make da sky an da world, cuz you strong an you no sked use yoa powa. I know, no mo notting stay too hard fo you fo do.

Daniel 9:4

I tell my God, Da One In Charge, I know wat oua peopo wen do wass wrong. Dis how I pray: “Bummahs, Boss, you da big God! You awesome an unreal! Wen you make one deal, you do eryting you wen tell you goin do. You stay tight wit da peopo dat get love an aloha fo you an dey lissen wat you tell um fo do.

Micah 7:20

You goin hang in dea wit da Jacob ohana peopo, An stay tight wit da Abraham ohana peopo, Jalike you wen make one strong promise to oua ancesta guys fo do, Long time befo time.”

John 1:3

God wen make eryting, but da way he do um, he tell dis Guy fo do um. No mo notting dis Guy neva make.

John 10:34

Jesus tell dem, “Eh, God wen tell dis in yoa Rules, ‘I tell you guys, da ones in charge, you guys gods.’

Jesus Guys 14:15

“Eh you guys! How come you guys do all dis? Us ony peopo jalike you guys too! We come fo tell you guys da Good Stuff From God. We tell you guys ‘Turn away from all dis no good stuff, an look to da God dat stay alive foeva. He da God dat make da sky, da earth, an da ocean, an eryting inside um.

Rules Secon Time 7:9

Az why you guys gotta know dat yoa God, Da One In Charge, he da God dass fo real! He da God you can trus um fo do wat he tell he goin do. He make good da deal he wen make, an he stay tight wit da peopo dat get love an aloha fo him an do wat he tell dem fo do fo mo den tousan generation.

Colosse 1:16

Jesus was in charge da time God make eryting— Inside da sky an inside da world, Da tings we can see an da tings we no can see, Da kings, da ones in charge a someting, Da leadas, da peopo wit powa. Eryting God like make, He make um fo Jesus, An Jesus wen do da work.

Titus 1:2

Us guys can trus God. An we can know da trut. Az cuz we know fo shua dat bumbye God goin give us da real kine life dat goin stay to da max foeva! Az why us can wait lidat. God, from da time he wen make da world, he wen promise dat kine life. An he no bulai, you know.

Hebrews 6:18

Wen God do dat, he do two tings dat no goin change eva. Numba One, he make one strong promise dat fo shua he goin do good tings fo us guys. Numba Two, he get da blame if he no do good tings fo us guys. An God no bulai nobody. He make dat promise cuz he like give us guys plenny good kine words. Dass fo us guys dat stay run to God fo get outa da bad kine stuff, fo us get da good kine stuff God wen promise he goin give us bumbye. We know he goin do dat, an we goin stay wait fo um.

Jesus Show 14:7

Da angel talk wit one loud voice, an tell, “Show respeck fo God an tell how awesome he stay! Cuz da time stay now wen he goin come da Judge fo erybody. Show love an respeck to da One dat wen make da sky, da earth, da ocean, an da pukas wea get watta.”