Songs 146:4 - Hawaii Pidgin Bible

⁴ Dat kine guy, Bumbye he no goin breave no moa, He goin go back inside da groun. Right den an dea, Eryting da guy plan fo do Goin come poho.

Songs 146:4 ပူးပေါင်းရင်းမြစ်များ

Start 2:7

Den God, Da One In Charge, take dirt from da groun an make one guy. God blow on top his face fo make da guy come alive. Az how da guy get life inside him.

Start 3:19

You gotta bus ass an sweat Fo get enuff food outa da groun, An afta, you goin go back to da dirt Cuz I wen make you outa da dirt. You come from dirt, An you goin come dirt one mo time.”

Start 6:17

“Cuz you know wat I goin do? I goin make da big watta come, wit watta from da sky all ova da groun. Dass how I goin wipe out eryting dat stay alive an breave unda da sky. Eryting dat stay alive on top da groun goin mahke.

Job 14:10

But peopo, wen dey start fo mahke, Dey come weak an breave da las time. An den, wea dey stay?!

Job 14:21

If peopo show respeck fo da mahke peopo boys, da mahke peopo donno notting bout dat. If peopo tink da mahke peopo boys not importan, da mahke peopo donno notting bout dat too.

Job 17:1

“Inside I no stay strong. My time fo live stay pau awready. Da grave stay wait fo me.

Job 17:11

“My time, pau awready. My plans, gone wit da wind. Same ting, eryting I like happen—no goin happen.

Job 27:3

As long as I stay alive, An can breave da way God make me,

Songs 104:29

Wen you hide, an no let um see yoa face, Bodda dem plenny. Wen you no let um breave no moa, Dey mahke an dea body come dirt One mo time.

Songs 33:10

Wen da diffren nations make plan, Da One In Charge jam up dea plan. Wen da diffren peopos figga wat fo do, He no let um do um.

Songs 90:3

You da One make peopo come dirt One mo time wen dey mahke. You tell, “You peopo, time awready Fo you come dirt jalike befo time!”

Teacha 12:7

O oua body go back inside da dirt wea we come from, An oua spirit go back by God dat give um to us.

Teacha 9:6

No matta dey love, o hate, O come jealous, all dat stuff pau wen dey mahke. Dey no goin conneck wit notting dat stay happen unda da sun.

Isaiah 2:22

No trus da peopo! Da ones dat stay breave da air an stay alive, But wat you can trus dem fo do fo you, aah?! Notting!

Sad Song 4:20

Da leada guy dat Da One In Charge wen pick, dat make us guys stay alive, Dey wen catch him inside dea traps. Us wen tink us goin be one nation Wit him fo da main guy.

Daniel 5:23

You go ack jalike you mo importan den da God dat stay king inside da sky. You wen tell yoa guys fo go bring da fancy kine cups an bowls from da Temple fo dat God. Den you, yoa alii guys, yoa real wifes, an yoa odda wifes drink wine from um. An you talk good bout da silva, gold, bronze, iron, wood, an stone gods—no matta dey no can see, hear, o undastan notting. But you neva tell notting bout how awesome da God dat get da powa fo make you stay alive o fo kill you! He da One stay in charge a eryting you do!

1 Corint 2:6

Fo shua, wen us guys talk to da peopo dat stay solid inside, we teach um wat fo do erytime. But we no teach da same kine stuff da peopo inside da world stay teach nowdays bout wat fo do erytime, o da smart kine stuff da leada guys tink dass smart. (Dem leada guys, dey all goin come wipe out, you know.)