Songs 145:4 - Hawaii Pidgin Bible

⁴ Eh! You Da One In Charge! Da peopo dat stay alive now, Dey goin tell dea kids good tings Bout all da stuffs you wen do, An afta dem, dea kids kids Goin tell dea kids too. Dey goin make um all know how strong you!

Songs 145:4 ပူးပေါင်းရင်းမြစ်များ

Esther 9:28

Az importan fo ery ohana fo no foget an do all dis ery year on da right days. Dass fo ery ohana, an dea kids an grankids foeva, an fo ery districk an ery town. Good da Jews no let da Purim hoolaulea pau. Dey gotta make shua dey no do bad kine stuff eva, dem an dea kids an grankids.

Job 8:10

Fo shua, yoa ancesta guys goin teach you an tell you. Dey goin give you words bout da tings dey undastan.

Songs 71:18

No matta I ol awready an get gray hair, God, no dump me, Till I pau tell da kids How strong you stay, An tell all da ones Dat goin born afta dem, Da kine powa you get.

Isaiah 38:19

Da peopo dat stay alive, Dey da ones tell dey know how awesome you, Jalike I stay do today. Da faddahs make shua dea kids know How you do wat you tell you goin do.

Rules Secon Time 4:10

No foget da time you guys wen stan in front oua God, dass Da One In Charge a us, Mount Sinai side, wen he tell me, ‘Bring hea all da peopo togedda in front me fo me tell um wat I like tell dem. Az how dey goin learn fo get awesome respeck fo me, all da time dey stay alive inside da land. An I like dey teach wat I tell dem to da kids too.’

Rules Secon Time 6:7

Make dese da main ting you teach yoa kids. Talk bout um erytime, wen you guys stay inside yoa house, wen you walk on top da road, wen you lay down, an wen you wake up.