Songs 145:3 - Hawaii Pidgin Bible

³ Da One In Charge, he da One! Real good fo tell good tings bout him! He real big, no can figga out Eryting bout him!

Songs 145:3 ပူးပေါင်းရင်းမြစ်များ

1 Records 16:25

Cuz Da One In Charge real importan. Az good, wen peopo tell good stuff bout him! Stay sked a him Mo den you sked a all da odda gods.

Job 26:14

An dass ony fo start! Us guys ony hear one wispa bout da tings God do! So den, who goin undastan his powa, aah?! No can cuz he strong jalike da thunda!”

Job 36:26

God, he stay big an importan. Us, we no can undastan him! No can count how many year he stay alive.

Job 37:23

Da God Dat Get All Da Powa, us no can reach him. He real strong, an he judge da right way erytime. But he no put heavy presha on us guys.

Job 5:9

God do awesome kine stuff dat nobody can tink. He do unreal kine stuff, mo den can count.

Job 9:10

He do unreal kine tings dat nobody can figga out. He do awesome kine stuff, mo den can count.

Songs 139:6

Da way you know me, Blow my mind! You know me mo betta Den I know me!

Songs 147:5

Oua Boss, he big! He real strong! He undastan mo plenny Den us can undastan!

Songs 48:1

Da One In Charge, he da greates! Real good fo erybody Tell he da greates Ova dea inside God town, On top da hill dat stay spesho fo him!

Songs 96:4

Cuz Da One In Charge, he big! Good fo erybody tell Good tings bout him! You gotta get respeck fo him, Mo den fo all da odda gods!

Isaiah 40:28

You guys neva know all dis, o wat?! You neva hear bout dis?! Da One In Charge, he da God dat stay foeva! He da One wen make Even da mos far places inside da whole world. He no goin come tired o wore out. Nobody can check out da way he undastan eryting!

Rome 11:33

Ho, God! He unreals smart! God, he know how fo use all his smarts! An he know eryting! No mo nobody undastan how he make up his mind! No mo nobody can figga out how come God do wat he do! Jalike da Bible tell befo time:

Jesus Show 15:3

Dey stay sing jalike Moses, da guy dat wen work fo God, an jalike God Bebe Sheep Guy. Dey sing: “God, you Da One In Charge! You Da God Dat Get All Da Powa. You do big an awesome stuff. You erytime do wass right an wass true. You da King fo all da diffren peopos foeva an eva!