Songs 143:8 - Hawaii Pidgin Bible

⁸ Ery day, morning time, I like hear from you Bout how you stay tight wit me, Cuz I stay trus you fo eryting inside. Let me know da way I suppose to go, Cuz you da One fo me talk to.

Songs 143:8 ပူးပေါင်းရင်းမြစ်များ

Songs 119:34

Help me fo undastan da Rules you give, So den fo shua I goin do um.

Songs 119:73

You, da One wen make me! Was you, wen put me togedda. Help me fo undastan Da tings you tell I gotta do.

Songs 143:10

Teach me how fo do Wat you like me fo do, Cuz you da God fo me. I like fo yoa good Spirit show me How fo walk strait so I no jam up. Jalike I stay walk on top flat groun.

Songs 25:20

Make shua notting bad happen to me! An get me outa trouble! No let dose guys make me come shame, Cuz I stay telling you fo hide me.

Songs 27:11

Eh! You Da One In Charge! Teach me how fo live yoa way! Show me da bestes way fo do da right ting, Cuz get plenny peopo dat stay agains me, An dey stay watch me.

Songs 30:5

Ony fo short time, he come huhu But all yoa life, he do good stuff fo you All nite, you feel jalike you goin cry, But den morning time come, An you like yell Cuz you stay feel real good inside.

Songs 32:8

Da One In Charge tell: “I goin help you undastan An show you da way you suppose to go. I goin tell you wass da bestes ting fo you fo do, Cuz I stay watch out fo you.

Songs 42:8

Day time, Da One In Charge Stay show me Dat he stay tight wit me. He do dis fo do good tings fo me. Nite time, I get one song fo sing to him, Dat song, jalike one prayer To da God dat make me live.

Songs 46:5

God, he stay right dea In da middo a da town. Az why no mo notting Can wipe out da peopo dea. God goin help dem, Even wen come early morning time.

Songs 5:8

Eh! You Da One In Charge! Cuz you do da right ting erytime, Show me da way fo go! Cuz get plenny peopo dat stay agains me, Make um fo me do eryting da way you like.

Songs 59:16

But me, I goin sing Bout how strong you stay. Ery morning, I goin yell to erybody Dat you da greates Cuz you stay tight wit yoa peopo! Cuz you stay jalike one high place Wea I can go hide Weneva I get real hard time.

Songs 86:4

You my Boss, so make nice to me, Cuz I trus you fo eryting inside.

Songs 90:14

Ery day wen da sun come up, Let us guys know fo shua Dat you stay tight wit us! Den, all da time we goin live, We goin yell cuz we feel good inside.

Isaiah 30:21

Den, even if you go da wrong way, Jalike you leave da road An go da right side o da lef side, You goin hear somebody behind you tell, “Eh! Da right way stay ova hea! Go dat way!”

Isaiah 48:17

Dis one spesho message from Da One In Charge. Him, da One dat pay da price Fo get you guys outa trouble. He God, da Spesho One fo da Israel peopo. Dis wat Da One In Charge tell: “Me, Da One In Charge, yoa God. I da One stay teach you guys Wass da bestes kine stuff fo you. I stay show you guys da way fo go.

Sad Song 3:41

Good, fo us guys pray wit one good heart, An put up oua hands to God in da sky, an tell:

Hosea 6:3

Good we know Da One In Charge. Good we go all out fo know um. Jalike us guys stay shua da sun goin come up, We stay shua Da One In Charge goin show up— Jalike da rain dat come winta time, An jalike da rain give watta on top da earth spring time.”

Local Leadas 13:12

So Manoah aks him, “Wen wat you tell happen, wat kine boy he goin be? Wat he goin do?”

1 Samuel 23:12

David aks, “Fo real den, da leada guys, goin turn me an my guys ova to Saul, o wat?” Da One In Charge tell um, “Yeah! Dey goin turn you ova to Saul.”