Songs 143:7 - Hawaii Pidgin Bible

⁷ Try do someting fo me real quick, Da One In Charge! Cuz I desperate! No look da odda way Fo me no see yoa face! Cuz if I no stay tight wit you, I goin come jalike da odda guys Dat go down da Deep Dark Hole.

Songs 143:7 ပူးပေါင်းရင်းမြစ်များ

Songs 102:2

Right now, I stay presha out, So no go look da odda way! Lissen to me, An do someting fo me real quick Cuz I stay yelling fo you help me!

Songs 22:24

Cuz da peopo dat odda peopo put down, Wen dey talk to Da One In Charge, He no treat um jalike dey junk. He no turn aroun an go da odda way. Wen dat kine peopo yell to Da One In Charge fo help um, Da One In Charge, he lissen!” Dass wat I goin tell da peopo.

Songs 27:9

No hide from me! No come huhu an tell me fo go way, Cuz I yoa worka guy, An you, you da One dat erytime help me. Eh God! You da One dat erytime get me outa trouble! No bag from me, no leave me hea lidis!

Songs 28:1

Eh! You Da One In Charge! You da Guy! You strong, jalike one big rock! I stay yell to you! I like fo you help me! So no go make deaf ear! Cuz if you no do notting, I goin be jalike da peopo Dat litto mo mahke An go inside da Deep Dark Hole!

Songs 40:17

But me, I no mo notting. I ony get hard time. I like you, my Boss, tink bout me! Cuz eh! You my helpa! You my God! No wait! No take long time, aah?!

Songs 69:17

No look da odda way An hide so I no can talk to you, Eh! Dis me, yoa worka guy! I stay stressing out, So do someting fas!

Songs 69:18

Go come nea me, Get me outa trouble, Do wat you gotta do fo save me, Cuz get peopo dat stay agains me.

Songs 69:3

I yell to you real plenny fo you help me. Az why I stay tired! Az why my throat feel jalike stay burn, An my eyes come weak. You my God, I stay wait Fo you fo do someting.

Songs 70:5

But me, pooa ting, I no mo notting! I ony get hard time. Eh God! Do someting fo me, right now! Cuz you da one dat help me, An make shua I get outa trouble. You, you Da One In Charge! No make me wait long time!

Songs 71:12

Eh God! No stay far from me! My God! Do someting Fo help me right now!

Songs 84:2

Me, I excited fo go inside da open lanai Aroun da Temple Fo Da One In Charge! I like go dea, mo den I can handle. I goin sing fo da God Dat Stay Alive Cuz I stay real good inside! I goin all out fo yell fo him!

Smart Guys 13:12

Wen you wait long time fo someting good, An no get um, Make you lose fight an come sick. But wen you wait long time fo someting good, Den you get um, You feel alive inside!

Isaiah 38:18

From inside da Mahke Peopo Place, No mo nobody can tell dey know how awesome you Da mahke peopo no can tell dat you da greates. Da peopo dat go down inside da Deep Dark Hole, Dey no wait fo you do wat you tell you goin do.

Isaiah 57:16

Cuz no goin be foeva, Dat I poin finga peopo an stay huhu. Az cuz if I wen stay lidat, Den peopo spirits wen come weak wen dey see me— No matta me da One wen make dem breave.

Isaiah 8:17

Az why I goin wait, cuz I stay shua Da One In Charge goin come. Right now, he stay cova his face so da Jacob ohana peopo no can see him. But me, I goin stay wait fo him.

Luke 21:26

Da peopo goin pass out cuz dey so sked. Dey sked cuz dey donno wat goin happen inside da world. Da big powas inside da sky jalike da stars goin get shake up.