Songs 143:3 - Hawaii Pidgin Bible

³ Da peopo dat stay agains me, Dey chase afta me, Dey poun me on top da groun Fo kill me. Dey put me inside dark places, Jalike da peopo Dat stay mahke long time.

Songs 143:3 ပူးပေါင်းရင်းမြစ်များ

2 Samuel 18:11

Befo da guy pau tell dat, Joab tell um, “Wot?! You wen see him lidat?! How come you neva wack um down an kill um right den an dea?! Cuz you neva do dat, I no goin give you ten piece silva, an one fancy kine sword belt!”

2 Samuel 2:22

One mo time Abner tell Asahel, “You betta not run no mo fo grab me! I no like wack you an kill you, cuz den I no can look yoa braddah Joab face!”

Songs 142:6

Try lissen wen I yell fo you help me, Cuz I stay all jam up! Get me outa trouble from da peopo Dat chase afta me, Cuz dey mo strong den me.

Songs 35:4

Da peopo dat stay look fo me fo kill me, I like fo dem come shame An lose face in front erybody. Wen dey make one plan fo make me suffa, I like fo dem turn aroun an run away, Back to da place wea dey live, Wit plenny shame.

Songs 54:3

Cuz get peopo I donno Dat stay come agains me. Dese da kine guys dat no bodda dem wen dey hurt peopo. Dey da ones dat like kill me! An dey no give a rip bout you, God. (Time out fo da music.)

Songs 7:5

If dass wat I wen do, Den okay fo da guys dat stay agains me Chase me an catch me. Okay fo dem poun me on top da groun an kill me An leave my mahke body on top da dirt. (Time out fo da music.)

Songs 7:6

Eh! You Da One In Charge! Do someting! Get mad an stan up fo fight! Da guys dat stay agains me, Dey all huhu, so go afta dem! Do someting fo help me, You da judge dat tell wass right!

Sad Song 3:6

He make me stay wea ony real dark, Jalike da mahke peopo stay from long time befo time.

Ezekiel 37:11

Den Da One In Charge tell, “Eh! Fo Real Kine Guy! Dese bones, dey all da Israel ohana peopo. Dis wat dey tell: ‘Oua bones, all dry up! Da tings us wait fo happen, no goin happen! Us guys all wipe out!’

Micah 7:8

You guys dat stay agains me, No laugh bout me! No matta I fall down, I goin stan up one mo time. No matta jalike I sit inside one dark place, Da One In Charge goin stay jalike one light fo me.