Songs 143:11 - Hawaii Pidgin Bible

¹¹ Da One In Charge, keep me alive, Fo me show peopo wat kine god you! You do da right ting erytime, So get me outa trouble!

Songs 143:11 ပူးပေါင်းရင်းမြစ်များ

Songs 119:107

I suffa plenny. Eh! You Da One In Charge! No let me mahke, Jalike you wen tell you goin do.

Songs 119:25

I litto mo mahke awready, Jalike I stay lay on da dirt. Try make me strong one mo time, Jalike you wen promise fo do.

Songs 119:37

Make shua I no even like look At da wase time kine tings. Give me da real kine life, Da way you wen promise fo do.

Songs 119:40

Fo shua, I like do Da tings you tell me fo do. Help me live da kine life dass fo real, Cuz you erytime do da right ting.

Songs 119:88

Cuz you stay tight wit me an I yoa guy, Help me fo stay alive! Den, I goin stay do da tings you teach.

Songs 138:7

No matta get trouble ery place I go, An da peopo dat stay agains me Stay huhu, You goin make shua I no mahke. You goin show yoa powa An bus dem guys up! You get da powa Fo get me outa trouble.

Songs 143:1

Eh! You Da One In Charge! Try lissen wen I pray to you. Cuz I stay beg you fo help me, Lissen up! Do someting fo help me, Cuz I know I can trus you An I know you do Da right ting erytime.

Songs 25:11

Eh! You Da One In Charge! Cuz you like erybody know Wat kine god you, Az why you let me go From all da bad kine stuff I wen do, An you hemo my shame too. Eh, get real plenny bad tings dat I wen do, you know!

Songs 25:17

All da tings dat bum me out An make me come sore inside, Come mo an mo big. Try get me outa all dat trouble!

Songs 31:1

Eh! You Da One In Charge! You da One fo proteck me. No let nobody make me come shame long time! Get me outa trouble Fo notting bad happen to me, Cuz you erytime do wat stay pono.

Songs 34:19

Get plenny bad tings happen To da peopo dat stay do da right ting. But Da One In Charge Goin get um outa all dat.

Songs 71:2

You do da right ting erytime, So get me outa trouble An no let notting bad happen to me. Lissen good to wat I goin tell you An get me outa trouble.

Songs 85:6

You goin make yoa peopo Come alive one mo time, Fo us guys stay good inside Cuz a you, o not?

Habakkuk 3:2

Da One In Charge, I hear wat peopo tell bout you. I get awesome respeck fo you, Fo all da awesome stuff you wen do awready. Try do um one mo time! Dese years right now, Make peopo know wat you wen do. No matta you stay huhu wit us, No foget show us guys pity!