Songs 143:10 - Hawaii Pidgin Bible

¹⁰ Teach me how fo do Wat you like me fo do, Cuz you da God fo me. I like fo yoa good Spirit show me How fo walk strait so I no jam up. Jalike I stay walk on top flat groun.

Songs 143:10 ပူးပေါင်းရင်းမြစ်များ

Nehemiah 9:20

You sen yoa Good Spirit fo teach dem. You neva hold back da manna bread Dat come from you fo dem eat. You give um watta wen dey thirsty.

Songs 118:28

Eh God! You da God fo me! I goin tell good tings bout you. You da God fo me, An I goin tell peopo Dat you da greates!

Songs 119:12

Eh! You Da One In Charge! I like tell dat you da One Wen do good tings fo me. Teach me how fo do Wat you tell me I gotta do.

Songs 119:35

Help me fo live Da way you wen tell us guys fo live, Cuz erytime I do stuff dat way, I stay good inside.

Songs 139:24

If you see anyting inside me Dat bodda you, go tell me. Show me da right way fo go Fo get da kine life Dat goin stay to da max foeva!

Songs 140:6

I tell Da One In Charge dis: “You, you da God fo me!” Eh! You Da One In Charge! Wen I tell you fo help me, try lissen!

Songs 22:1

Eh God! You da God fo me! So, how come you wen bag from me an leave me hea?! How come you stay far away from me?! I stay cry plenny, but you no get me outa trouble!

Songs 23:3

He make me come strong One mo time inside. He take me on da bestes trail, Fo erybody know wat kine god him.

Songs 25:12

Da ones dat feel jalike dey sked an shaking Wen dey stay in front Da One In Charge, Dey da ones Da One In Charge goin teach Wat way fo go.

Songs 27:11

Eh! You Da One In Charge! Teach me how fo live yoa way! Show me da bestes way fo do da right ting, Cuz get plenny peopo dat stay agains me, An dey stay watch me.

Songs 31:14

But eh, you Da One In Charge! I stay trus you. I tell, “You, you da God fo me!”

Songs 63:1

Eh God! You da God fo me! I stay look fo you. Me, I go all out fo find you, Jalike I go find watta wen I thirsty! I desperate fo see you, My body come weak, Till I find you! Jalike I stay one place Wea no mo rain an erybody tired Cuz no mo watta ova dea.

Isaiah 29:10

Cuz jalike Da One In Charge wen make you pass out an sleep! You guys dat talk fo him, He shut yoa eyes real good. You guys dat can see wat goin come bumbye, Jalike he wen cova yoa head wit one cloth.

Isaiah 63:14

An jalike cows dat go easy down inside one valley. Da Spirit from Da One In Charge make da peopo res.’ ” Den me, Isaiah, I pray to Da One In Charge. I tell: “Az how was, da time you wen lead yoa peopo, An you make erybody know Wat awesome kine god you!

Micah 4:2

Peopo from diffren nations Goin come dea an tell, “Go come! Us go up Da mountain a Da One In Charge, Wea his Temple stay. He da God Jacob wen pray to. He goin show us guys da way he like fo us live, Fo us do wat he tell us fo do, His Rules goin come out from Mount Zion. Wat he tell goin go out from Jerusalem.”

Census 9:22

No matta da cloud stay ova da Tent fo two days, o one month, o one year, dass how long da Israel peopo stay wea dey make camp, an no go way from dea. But wen da cloud go up, den dey start fo go.

Matthew 28:20

Teach um how fo do eryting I wen tell you guys fo do. An you know wat? I goin stay tight wit you guys ery day, till da world come pau.”

John 14:26

My Faddah, bumbye he goin sen you guys his Good An Spesho Spirit fo kokua you guys fo me. He goin teach you guys eryting, an help you guys no foget all da stuff I wen tell you guys awready.

Rome 15:13

I like you guys stay real good inside an notting bodda you cuz you trus God. Him da God dat make you guys stay shua bout wat goin happen bumbye, fo eryting come out good kine. Den da Good An Spesho Spirit goin make you guys mo strong fo wait fo wat God goin do fo you guys bumbye.

Rome 15:30

Eh, my braddahs an sistahs, cuz Jesus Christ Da One In Charge a us guys, an cuz God Spirit give you guys love an aloha, try pray hard wit me an fo me fo God help me.

Rome 5:5

Wen us guys stay shua dat God goin do all dis fo us, we no need worry notting. Cuz us guys get da Good An Spesho Spirit God wen give us, dat make us feel inside how plenny love an aloha he get fo us guys.

Rome 8:2

Cuz get two tings dat stay fo real: If you stay tight wit God Spirit, he goin make you guys come alive fo real kine. An he goin make you guys stay tight wit Jesus Christ. Dass da Numba One ting. If you guys stay tight wit da bad kine stuff, you guys goin get cut off from God foeva. But if you get God Spirit, da Spirit free you up fo no do da bad kine stuff. Dass Numba Two.

Rome 8:26

Anodda ting, God Spirit help us plenny, cuz us no mo powa. We donno how fo pray da right way. But God Spirit, he take ova an aks God fo do tings fo us. Cuz us guys get big pain inside us cuz we no shua how fo pray.

Efesus 4:30

No go do notting dat goin make da Good An Spesho Spirit come sore inside. Cuz God Good An Spesho Spirit stay in charge a you guys you know. An dass da mark dat show proof dat you guys da peopo dat know God. Dat show dat bumbye he goin hemo you guys from da powa dat da bad kine stuff you do get ova you guys.

Efesus 5:9

Cuz dose peopo dat get dat kine light from God inside dem do good kine stuff, da right kine stuff, an dey stick wit da trut.

2 Timoty 1:7

Cuz you know, da Spirit dat God wen sen fo take ova us guys, dass not da kine Spirit dat make us stay sked erytime. He wen sen da Spirit fo take ova us guys fo make us come strong, an get love an aloha, an know how fo stay in charge a eryting we do.

Hebrews 13:21

So, I like God make you guys ready fo do eryting good dat he like you guys fo do. I like him fo do stuff inside us guys dat make him stay good inside. He do dat cuz Jesus Christ give us da powa dat we need. An I like fo erybody tell how awesome Jesus stay, foeva an eva! Dass it!

1 John 2:27

But you guys get powa from da Good An Spesho Spirit. He awready stay inside you guys, so you guys no need nobody fo teach you. God Spirit stay teach you guys bout eryting, an wat he teach stay true. He no bulai nobody. So, stay tight wit him, jalike he wen teach you guys fo do.