Songs 143:1 - Hawaii Pidgin Bible

¹ Eh! You Da One In Charge! Try lissen wen I pray to you. Cuz I stay beg you fo help me, Lissen up! Do someting fo help me, Cuz I know I can trus you An I know you do Da right ting erytime.

Songs 143:1 ပူးပေါင်းရင်းမြစ်များ

2 Samuel 7:25

“An now, oua God, Da One In Charge, make solid foeva da promise you wen make bout me, yoa worka guy, an bout my ohana foeva. Do jalike you wen promise fo do!

Songs 140:6

I tell Da One In Charge dis: “You, you da God fo me!” Eh! You Da One In Charge! Wen I tell you fo help me, try lissen!

Songs 17:1

Eh! You Da One In Charge! I stay tell you Fo do da right ting fo me, so try lissen! I stay yell to you fo help me, So try lissen real good! I stay pray to you, An I no bulai notting.

Songs 31:1

Eh! You Da One In Charge! You da One fo proteck me. No let nobody make me come shame long time! Get me outa trouble Fo notting bad happen to me, Cuz you erytime do wat stay pono.

Songs 71:2

You do da right ting erytime, So get me outa trouble An no let notting bad happen to me. Lissen good to wat I goin tell you An get me outa trouble.

Daniel 9:16

Boss, you do eryting right. So I tell I like you fo pau stay huhu agains us guys, an no stay mad no moa. We come from Jerusalem, yoa big town, da hill dat stay spesho fo you. All da peopo aroun us stay laugh at us guys an poin finga us cuz a all da bad kine stuff we stay do, an da bad kine stuff oua ancesta guys wen do.

1 John 1:9

But if us tell God we sorry fo all da bad tings we wen do, we can trus God. An he goin do wat he tell he goin do: da right ting. God goin hemo oua shame, an wash us clean inside from all da stuff we do dass not right.