Songs 141:2 - Hawaii Pidgin Bible

² Wen I pray, go make wat I pray be okay, Jalike incense dat oua peopo burn Wen dey make one sacrifice in front you, Wen I put up my hands fo pray, Make um be Jalike da late aftanoon sacrifice.

Songs 141:2 ပူးပေါင်းရင်းမြစ်များ

1 Kings 18:36

Wen time fo make da sacrifice, Elijah da guy dat talk fo God go by da altar an pray lidis: “Da One In Charge, you da God fo Abraham an Isaac an Israel. Today, I like erybody know, dat you da God fo da Israel peopo, an you da boss fo me. An all dese tings I do, I do um cuz dass wat you tell me fo do.

Ezra 9:4

Den get odda peopo dat stay sked an shaking too cuz dey know wat da God Fo Da Israel Peopo tell. Dey all come sit down by me cuz dey know dat some a da peopo dat wen come back from Babylon, no stay lissen an no do wat God trus um fo do. Me, I stay sit dea, no can figga an no can do notting, till time fo make da late aftanoon sacrifice.

Songs 134:2

Put up yoa hands an face da place Dat stay spesho fo God. Tell Da One In Charge dat he good!

Songs 28:2

Try lissen! Ova an ova, I aks you fo do someting I stay yell to you fo help me. I stay stan nea da mos spesho part a yoa Temple An I put up my hands fo pray to you.

Songs 5:3

Eh! You Da One In Charge! Morning time, Try lissen wat I gotta tell. Ery day morning time, I make one lis a all da tings I like tell you, An I tell you, den I wait.

Songs 63:4

Cuz a dat, I goin tell erybody Dat you do good tings fo me All da time I stay alive. I goin put up my hands Fo show you love an respeck Cuz I know wat kine god you.

Outa Egypt 29:39

You goin kill one bebe sheep morning time, an da odda one right afta da sun go down but still get light.

Outa Egypt 35:15

da small altar fo da incense wit da poles fo carry um, da spesho oil fo put on top da pries guys head, da incense dat smell nice, da thick cloth dat go in front da door fo da tent fo no can see inside,

Smart Guys 15:8

Wen da bad kine peopo Make sacrifice fo God, God tink, dat kine sacrifice stay pilau. Wen da good kine peopo pray, Dass wat God like.

Daniel 9:21

Befo I pau pray, Gabriel, da angel guy dat look jalike one regula guy dat I wen see in my odda dream da firs time, wen come fly fas fo reach me. Dat happen late aftanoon time, da same time da pries guys stay make sacrifice.

Malakai 1:11

“All ova, from wea da sun come up to wea da sun go down, all da peopos know I get one importan name. Dey bring stuff fo make sacrifice cuz dey know wat kine god me, an dey bring incense an da kine gifs dat no mo notting wrong wit dem. Dass cuz da diffren peopos dat know who me, dey know I importan.” Dass wat Da One In Charge, Da God Ova All Da Armies tell.

Census 16:35

Den fire come from Da One In Charge an burn up da odda 250 guys dat stay burn incense.

Jesus Guys 3:1

One time Peter an John go da Temple three clock. Dass was da time fo pray.

1 Timoty 2:8

I like da peopo all ova da place fo pray. Wen dey pray, dey gotta be good an spesho fo God, an no make argue o stay mad at da odda guy. Den az okay fo dem put dea hands in da air fo pray.

Jesus Show 5:8

Afta he take um, da four tings dat stay alive an go ery place God go, an da twenny-four older leadas, dey go down in front da Bebe Sheep Guy. Dey all get harp an gold kine bowl wit incense inside. Da incense, dass jalike all da tings da peopo dat stay spesho fo God aks him fo do.