Songs 141:1 - Hawaii Pidgin Bible

¹ Eh! You Da One In Charge! I stay yell fo you come help me! Do someting fo me, right now! Wen I yell fo you help me, lissen!

Songs 141:1 ပူးပေါင်းရင်းမြစ်များ

Job 7:21

How come you no hemo da shame I get cuz I do bad kine stuff?! An let me go from da wrong tings I wen do?! Cuz pretty soon I goin be inside da dirt! Wen you look fo me, I no goin stay no moa!”

Songs 143:1

Eh! You Da One In Charge! Try lissen wen I pray to you. Cuz I stay beg you fo help me, Lissen up! Do someting fo help me, Cuz I know I can trus you An I know you do Da right ting erytime.

Songs 143:7

Try do someting fo me real quick, Da One In Charge! Cuz I desperate! No look da odda way Fo me no see yoa face! Cuz if I no stay tight wit you, I goin come jalike da odda guys Dat go down da Deep Dark Hole.

Songs 22:19

Eh! You Da One In Charge! No stay far away! You da One dat make me strong an help me, Do someting real fas now!

Songs 28:2

Try lissen! Ova an ova, I aks you fo do someting I stay yell to you fo help me. I stay stan nea da mos spesho part a yoa Temple An I put up my hands fo pray to you.

Songs 40:13

Eh! You Da One In Charge! Do someting good fo me An get me outa dis! Eh! You Da One In Charge! Try hurry up an come help me!

Songs 70:2

Fo da peopo dat like kill me, I like dem ony come shame. Da ones dat feel good inside Wen bad stuff happen to me, I like God make dem turn aroun An run away an lose face.

Songs 70:5

But me, pooa ting, I no mo notting! I ony get hard time. Eh God! Do someting fo me, right now! Cuz you da one dat help me, An make shua I get outa trouble. You, you Da One In Charge! No make me wait long time!

Songs 71:12

Eh God! No stay far from me! My God! Do someting Fo help me right now!