Songs 140:8 - Hawaii Pidgin Bible

⁸ Eh! You Da One In Charge! No let dose bad peopo do Da kine tings dey like do to me. Eh God! Da tings dey plan fo do, No let um do um. (Time out fo da music.)

Songs 140:8 ပူးပေါင်းရင်းမြစ်များ

2 Samuel 15:31

Somebody tell David, “Ahitofel, he one a da guys dat stay make one plan wit Absalom fo take ova da govmen.” So David pray to Da One In Charge, “Eh! You Da One In Charge! Wateva Ahitofel tell Absalom az good fo him do, make wat he tell come pupule, aah?!”

Songs 144:10

Cuz you da one Dat get king guys outa trouble, An no let nobody come afta me, David, yoa worka guy, Wit one sword fo kill me.

Songs 27:12

No let da guys dat stay agains me Make any kine to me. Dey make jalike dey tell da trut bout me, But dey ony bulai. Ova an ova, dey tell dey goin bus me up.

Rules Secon Time 32:27

But bodda me plenny, dat maybe Da peopo dat stay agains da Israel peopo Goin talk bad bout dem Cuz dey no undastan, An cuz a dat, dey goin tell, ‘Us guys strong! Az why we wen win ova dem! Da One In Charge neva do all dis!’