Songs 140:6 - Hawaii Pidgin Bible

⁶ I tell Da One In Charge dis: “You, you da God fo me!” Eh! You Da One In Charge! Wen I tell you fo help me, try lissen!

Songs 140:6 ပူးပေါင်းရင်းမြစ်များ

Songs 116:1

I get love an aloha fo Da One In Charge, Cuz wen I tell him I need help, He lissen!

Songs 119:57

Eh God! You wen give me you, Da One In Charge! I promise fo do wat you tell me fo do.

Songs 130:2

You da boss fo me, So lissen wat I stay tell! Try lissen real good Cuz I beg you fo help me!

Songs 142:4

Try look aroun me fo see No mo nobody kea fo help me! Da place fo go wea nobody can hurt me, Gone awready! Nobody kea if I alive o mahke!

Songs 142:5

I yell fo you fo help me, Da One In Charge. I tell, “You, da one take kea me Fo nobody hurt me. I get ony you, All da time I live inside dis world!”

Songs 143:1

Eh! You Da One In Charge! Try lissen wen I pray to you. Cuz I stay beg you fo help me, Lissen up! Do someting fo help me, Cuz I know I can trus you An I know you do Da right ting erytime.

Songs 16:2

Dis wat I tell Da One In Charge: “You, you da Boss fo me! If no was fo you, No mo notting good happen to me!”

Songs 31:14

But eh, you Da One In Charge! I stay trus you. I tell, “You, you da God fo me!”

Songs 57:7

Eh God! Inside, I stay solid! I stay solid inside! I all ready fo sing an make music!

Songs 64:1

Eh God, I like tell Wat stay bodda me, so lissen! I stay sked an shaking Cuz a da ones dat stay agains me. Make shua I no mahke!

Songs 91:2

I tell dis bout Da One In Charge: “Him, he jalike one strong wall Dat no let notting hurt me. He da God fo me. I trus him.”

Jeremiah 18:22

Wen you bring army guys dea An dey donno dey stay coming, Let peopo hear dem scream fo help from inside dea house! Dey dig one big hole fo catch me An dey hide traps fo catch my feets.

Sad Song 3:24

I figga, “I get Da One In Charge fo my share, so I no need notting moa. Az why I goin wait fo him fo help me.”

Zekariah 13:9

I goin put da one third a dem inside da fire. I goin burn all da junks outa dem Inside da real hot fire, Jalike peopo do fo silva. I goin tes um out jalike dey do fo gold. Dey goin call me by my name. An I goin talk to dem. I goin tell, ‘Dey my peopo!’ An dey goin tell, ‘Da One In Charge, he oua God!’ ”