Songs 140:5 - Hawaii Pidgin Bible

⁵ Get peopo dat ack high makamaka Dat like put trap fo catch me. Dey spread out one rope net fo grab me. Dey put plenny trap Fo catch me by da road. (Time out fo da music.)

Songs 140:5 ပူးပေါင်းရင်းမြစ်များ

Job 18:9

One trap grab dea heel. Dey no can get outa da rope aroun dea leg.

Songs 119:110

Da bad guys, jalike dey make one trap Fo catch me. But dat no throw me off, Fo do da tings you tell me I gotta do.

Songs 119:69

Da peopo dat ack Jalike dey no gotta lissen you, Dey bulai plenny Fo make my rep bad. But me, I go all out Fo do wateva you tell me fo do.

Songs 119:85

Da peopo dat ack Jalike dey no gotta lissen you, Jalike dey dig holes Fo trap me inside um. Dey no do notting Da way yoa Rules tell Dey suppose to do.

Songs 142:3

Wen I come weak inside, Still yet, you da one dat know Da way fo me go. Cuz wea I walk, Az jalike peopo hide traps dea.

Songs 31:4

Da guys dat stay agains me Set up one trap fo catch me, But no let me go dea, Cuz you da One dat make shua I no get hurt.

Songs 35:7

Cuz I neva do notting to dem, But still yet dey wen hide one net Fo trap me. I neva do notting to dem, But still yet dey wen dig one big hole Fo make me fall down inside an mahke.

Songs 36:11

Da peopo dat tink dey high makamaka, I no like dem come nea me. Da peopo dat do bad tings, I no like dem tell me fo get outa hea.

Songs 43:1

Eh God! You da judge Fo show erybody dat I okay. I need fo you show proof Dat I neva do notting bad. Cuz da whole nation, Dey no stay tight wit you! I need fo you rescue me Away one place Wea dey no can hurt me. Away from da ones dat stay bulai An do bad tings to me.

Songs 57:6

Da peopo dat stay agains me, Dey wen make ready One net fo catch me. Cuz a dat, I wen feel all bum out. Dey wen dig one big hole Wea dey know I goin go, But dey da ones Wen fall down inside dea! (Time out fo da music.)

Smart Guys 24:15

No ack jalike one bad guy An go wait outside da house Wea one guy dat do wass right erytime stay, Fo you jump um an hurt um, Den go jam up da place wea he res.

Smart Guys 29:5

Wen you talk nice kine fo bulai anodda guy, Watch out! Jalike you put down one net Fo trap yoa feets!

Jeremiah 18:18

Some peopo tell: “Eh come! We go make one plan fo kill Jeremiah. Dat way, we not goin throw out da rules da pries guys teach, o throw out wat da guys dat know wat fo do erytime tell us fo do, o throw out da tings da guys dat talk fo God tell. So we goin poin finga Jeremiah an tell wat he do wrong. We no goin lissen him notting!”

Jeremiah 18:20

You goin do good kine tings fo dem Wen dey stay do bad kine tings fo me, Jeremiah, o wat?! Jalike dey dig one big hole fo kill me. No foget dat I wen stan in front you An aks you fo do good kine tings fo dem, So you no stay huhu wit dem.

Jeremiah 18:22

Wen you bring army guys dea An dey donno dey stay coming, Let peopo hear dem scream fo help from inside dea house! Dey dig one big hole fo catch me An dey hide traps fo catch my feets.