Songs 140:2 - Hawaii Pidgin Bible

² Dem guys, dey erytime make plan Fo do bad tings, An all day dey go afta peopo Fo make um fight each odda.

Songs 140:2 ပူးပေါင်းရင်းမြစ်များ

Songs 120:7

Me, I da kine guy Dat like tings go good fo erybody. But weneva I talk lidat, Dem guys, dey ony like make war!

Songs 21:11

No matta da peopo dat hate you make plan Fo do bad tings to you, Da stuff dey like do, dey no can do,

Songs 36:4

Even wen dey on top dea bed, Dey plan fo how dey goin do Bad tings to somebody. Dey stay go da way dass no good, Cuz dey hard head. Dey make up dea mind Fo do bad kine stuff.

Songs 38:12

Same time, da guys dat stay agains me Put up one trap fo catch me. Dey make one plan fo wipe me out. All day, dey figga how fo bulai me Fo kill me.

Songs 56:6

Dey meet fo make plan agains me. Dey hide fo make trouble, Cuz dey wait fo one chance fo kill me.

Songs 59:3

Try look! Dey stay hide An wait fo jump me an kill me. Dey get plenny powa, An dey come togedda agains me. Eh! You Da One In Charge! I neva do notting Fo make dem guys come huhu, I neva do notting bad to dem.

Songs 62:3

How long you guys Goin attack one guy?! How long all you guys Goin bus him up Jalike you bus up one wall Dat lean one side O one fence dat litto mo fall down?!

Smart Guys 12:20

Da guys dat make plan Fo do bad kine stuff, Dey make lidat cuz dey like bulai peopo. But da peopo dat work hard Fo make tings go good fo erybody, Dey goin feel all good inside!

Hosea 7:6

Inside dey stay huhu Az jalike one oven dat still stay hot. Dey come nea da king fo trick um. Inside dey all huhu, az why dey stay burn all nite. Az why morning time da guys dat make fun a da king, Dey stay jalike one real hot fire, ready fo kill him.

Nahum 1:11

One guy come from Nineveh, He make one plan fo do bad kine stuff Agains Da One In Charge. He tell peopo az good fo dem Do real pilau kine stuff.